Kannur
ഇടിമിന്നലേറ്റ് രണ്ട് വിദ്യാര്‍ഥികള്‍ മരിച്ചു
പാനൂര്‍: കണ്ണൂരിലെ പുല്ലൂക്കരയില്‍ ഇടിമിന്നലേറ്റ് രണ്ട് വിദ്യാര്‍ഥികള്‍ മരിച്ചു. പുല്ലൂക്കര കിഴക്കെ വളപ്പില്‍ താഴെ തൂലയില്‍ മഹ്മൂദിന്റെ മകന്‍ ഫഹദ് (18), ആനകെട്ടിയതില്‍ പൂക്കോം മെട്ടമ്മലില്‍ റഹീമിന്റെ മകന്‍ സെമീന്‍ (17) എന്നിവരാണ് മരിച്ചത്. ഇന്നലെ വൈകിട്ട് ആറു മണിയോടെയായിരുന്നു സംഭവം. കൊച്ചിയങ്ങാടി തട്ടാന്‍ കണ്ടി താഴെ പ്രദേശത്ത് വയലില്‍ കളിക്കാന്‍ പോയതായിരുന്നു കുട്ടികള്‍. ഇതിനിടയില്‍ ഇടിമിന്നലേറ്റ് പോക്കറ്റിലുണ്ടായിരുന്ന മൊബൈല്‍ ഫോണ്‍ പൊട്ടിത്തെറിക്കുകയായിരുന്നു. ഗുരുതരമായി പരുക്കേറ്റ ഫഹദിനെയും സെമീനെയും തലശ്ശേരി ഇന്ദിരാഗാന്ധി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹങ്ങള്‍ ഗവ. ആശുപത്രിയിലേക്ക് മാറ്റി.
ഫഹദിന്റെ മാതാവ്: ഷാഹിദ. സഹോദരങ്ങള്‍: സനീറ, സമീറ, ഫിദ. സമിന്റെ മാതാവ്: നൗഫീല. സഹോദരന്‍: റഹനാസ്. മൃതദേഹങ്ങള്‍ പോസ്റ്റ്മോര്‍ട്ടത്തിന് ശേഷം ഇന്ന് പുല്ലൂക്കര പാറമ്മല്‍ ജുമുഅത്ത് പള്ളി ഖബര്‍സ്ഥാനില്‍ ഖബറടക്കും.
Latest
ആലപ്പുഴയിൽ സമസ്ത പിന്തുണ യുഡിഎഫിനാണെന്ന വാർത്ത അടിസ്ഥാനരഹിതം: ജില്ലാ നേതാക്കൾ
ബെംഗളുരുവില്‍ ആദായ നികുതി വകുപ്പിന്റെ റെയ്ഡ്; കോടികളുടെ പണവും സ്വര്‍ണവും പിടിച്ചെടുത്തു
ഏഴു വയസുകാരിയെ പീഡിപ്പിച്ച് മൃതദേഹം അഴുക്കുചാലില്‍ തള്ളി;പ്രതിക്കായി അന്വേഷണം ഊര്‍ജിതം
പരസ്യപ്രചാരണം അവസാനഘട്ടത്തിലേക്ക് ; നാല് ജില്ലകളില്‍ നിരോധനാജ്ഞ
ജാതി സെന്‍സസ് തന്റെ ജീവിത ലക്ഷ്യം, ഒരിഞ്ച് പിന്നോട്ടില്ല; രാഹുല്‍ ഗാന്ധി
വയോധികയുടെ സ്വര്‍ണ്ണ മാല പൊട്ടിച്ച സംഭവം ;രണ്ടു പേര്‍ പിടിയില്‍
