Business
ആഘോഷങ്ങൾക്കിടെ വാഹന വിപണി ഉണർന്നു
ന്യൂഡൽഹി | ദീപാവലി അടക്കമുള്ള ആഘോഷങ്ങളും വിവിധ കന്പനികളും ഡീലർമാരും ഏർപ്പെടുത്തിയ സൗജന്യങ്ങളും വലിയ ഡിസ്കൗണ്ടുകളും ഒക്ടോബറിൽ വാഹനവിൽപ്പന യിൽ നേരിയ വർധനയുണ്ടാക്കി. ഈ സാന്പത്തിക വർഷം ആദ്യമാണ് വാഹന വിൽപ്പന വർധിക്കുന്നത്.
കാറുകളുടെയും യൂട്ടിലിറ്റി വാഹനങ്ങളുടെയും വിൽപ്പനയിലാണ് ഈ നേട്ടം. വിപണിയിലെ ഈ ഉണർവ് പക്ഷേ നീണ്ടുനിൽക്കാനിടയില്ല.
മാരുതി സുസുക്കിയുടെ വിൽപ്പനയിൽ 4.5 ശതമാനം വർധനയാണ് ഉണ്ടായത്. സ്വിഫ്റ്റ്, സെലേറിയോ, ഇഗ്നിസ്, ബലേറോ, ഡിസയർ എന്നിവ ഉൾപ്പെട്ട കോംപാക്ട് കാർ വിഭാഗത്തിൽ വിൽപ്പനയും ഉയർന്നു. 15.9 ശതമാനം വളർച്ചയാണ് ഇവയുടെ വിൽപ്പനയിൽ ഉണ്ടായത്.