Kerala
സംസ്ഥാന ചലചിത്ര പുരസ്കാരങ്ങള് വിതരണം ചെയ്തു
തിരുവനന്തപുരം: 49-ാമത് സംസ്ഥാന ചലച്ചിത്ര പുരസ്കാരങ്ങള് നിശാഗന്ധി ഓഡിറ്റോറിയത്തില് നടന്ന ചടങ്ങില് മുഖ്യമന്ത്രി പിണറായി വിജയന് വിതരമം ചെയ്തു.
സംസ്ഥാന സര്ക്കാറിന്റെ പരമോന്നത ചലച്ചിത്ര ബഹുമതിയായ ജെ സി ഡാനിയേല് പുരസ്കാരം നടി ഷീല ഏറ്റുവാങ്ങി. മികച്ച നടന്നുള്ള പുരസ്കാരം ജയസൂര്യയും സൗബിന് ഷാഹിറും പങ്കിട്ടു. മികച്ച നടിക്കുള്ള പുരസ്കാരം നിമിഷാ സജയന് ഏറ്റുവാങ്ങി.
മികച്ച സിനിമക്കുള്ള പുരസ്കാരം “കാന്തന് ദി ലവര് ഓഫ് കളറി”ന്റെ സംവിധായകന് ഷെരീഫ് ഈസയും മികച്ച സംവിധായകനുള്ള പുരസ്കാരം ശ്യാമപ്രസാദും ഏറ്റുവാങ്ങി. “സുഡാനി ഫ്രം നൈജീരിയ”യുടെ സംവിധായകന് സക്കറിയ മുഹമ്മദ് ആയിരുന്നു ഇത്തവണത്തെ മികച്ച നവാഗത സംവിധായകന്.
മലയാള സിനിമയിലെ പ്രമുഖരായ 14 പേരെയും ചടങ്ങില് ആദരിച്ചു. സാംസ്കാരിക വകുപ്പ് മന്ത്രി എ കെ ബാലന് ചടങ്ങില് അധ്യക്ഷത വഹിച്ചു.
---- facebook comment plugin here -----