Gulf
അടിയന്തര പാത ദുരുപയോഗം ചെയ്താല്‍ ആയിരം ദിര്‍ഹം പിഴയും 6 ബ്ലാക്ക് പോയിന്റും
അബൂദബി: റോഡിലെ അടിയന്തര പാതകള്‍ ദുരുപയോഗിക്കരുതെന്ന് അബൂദബി പോലീസ് അറിയിച്ചു. അത്യാഹിത വിഭാഗത്തിലെ വാഹനങ്ങള്‍ക്കു പോകാനും അടിയന്തര ഘട്ടങ്ങളില്‍ വാഹനം നിര്‍ത്താനുമുള്ള റോഡ് ദുരുപയോഗം ചെയ്താല്‍ കടുത്ത ശിക്ഷയുണ്ടാകുമെന്ന് പോലീസ് വ്യക്തമാക്കി. ഗതാഗതക്കുരുക്കില്‍ നിന്നു രക്ഷപ്പെടാന്‍ പലരും റോഡിന് ഇരുവശത്തുമുള്ള ഈ പാതയില്‍ വാഹനം ഓടിക്കുന്നത് ശ്രദ്ധയില്‍ പെട്ടതിനെ തുടര്‍ന്നാണ് മുന്നറിയിപ്പ്. നിയമം ലംഘിക്കുന്നവര്‍ക്ക് ആയിരം ദിര്‍ഹം പിഴയും ആറ് ബ്ലാക്ക് പോയിന്റും ലഭിക്കും.
വാഹനാപകടമോ മറ്റോ റിപ്പോര്‍ട്ട് ചെയ്താല്‍ ആംബുലന്‍സ്, പോലീസ്, അഗ്‌നിശമന സേനാ വാഹനങ്ങള്‍ ലക്ഷ്യസ്ഥാനത്തേക്ക് പോകുന്നത് ഈ പാതയിലൂടെയാണ്. ഇത്തരം വാഹനങ്ങള്‍ക്ക് മാര്‍ഗതടസ്സം സൃഷ്ടിക്കും വിധം സ്വകാര്യ വാഹനങ്ങള്‍ അടിയന്തര പാത ഉപയോഗിക്കുന്നത് നിയമലംഘനമാണ്. ജനുവരി മുതല്‍ മെയ് വരെ 2784 പേരാണ് നിയമം ലംഘിച്ചതെന്ന് കണക്കുകള്‍ സൂചിപ്പിക്കുന്നു.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
