Malappuram
ഇത് പരസ്യ ചിത്രമല്ല; ഹോളി ആഘാേഷത്തിനിടെ സഹപാഠിക്ക് വഴിയൊരുക്കിയ ചിത്രം വൈറലായി
മലപ്പുറം: നിറങ്ങളുടെ ഉത്സവമായ ഹോളി ആഘാഷത്തിന്റെ ഭാഗമായി നിറങ്ങള്‍ വാരി വിതറിയ കോളജ് വിദ്യാര്‍ഥികള്‍ മതപഠന വിദ്യാര്‍ഥി കൂടിയായ സഹപാഠിക്ക് വഴിയൊരുക്കിയ ചിത്രം ഏറ്റെടുത്ത് സാമൂഹിക മാധ്യമങ്ങള്‍. പുത്തനത്താണി സി പി എ ആര്ട്സ് ആന്‍ഡ് സയന്‍സ് കോളജില്‍ നിന്നുള്ള സ്നേഹത്തിന്റെ ചിത്രമാണ് സാമൂഹിക മാധ്യമങ്ങളില്‍ വൈറലായത്. പുത്തനത്താണി സി പി എ ആര്ട്സ് ആന്‍ഡ് സയന്‍സ് കോളജിലെ രണ്ടാം വര്‍ഷ ബി എസ് സി വിദ്യാര്‍ഥിയും മതപഠന വിദ്യാര്‍ഥിയും വളാഞ്ചേരി കരിങ്കല്ലത്താണി സ്വദേശിയുമായ ടി മുഹമ്മദ് സുഹൈല്‍ ക്യാമ്പസില്‍ നിന്ന് പുറത്തേക്ക് ഇറങ്ങിയപ്പോള്‍ ഹോളി ആഘാഷിക്കുകയായിരുന്ന സഹപാഠികള്‍ സുഹൈലിന്റെ ദേഹത്ത് കളര്‍ വാരി വിതറാതെ സുരക്ഷാ വഴിയൊരുക്കുകയായിരുന്നു.
വിദ്യാര്‍ഥികളെല്ലാം ഹോളി ആഘാഷിക്കുമ്പോള്‍ സുഹൈല്‍ വിട്ട് നിന്നിരുന്നു. മനുഷ്യാവകാശ ലംഘനമായ റാഗിംഗ് സംസ്‌കാരത്തിന്റെ കാഴ്ചകളില്‍ നിന്ന് വ്യത്യസ്തമാകുകയാണ് സി പി എ ആര്ട്സ് ആന്‍ഡ് സയന്‍സ് കോളജില്‍ നിന്നുള്ള ഈ ചിത്രം. വെങ്ങാട് വാദീഹസന്‍ മസ്ജിദില്‍ എടയൂര്‍ പി എസ് കെ ദാരിമിയുടെ നേതൃത്വത്തിലുള്ള ദര്‍സിലാണ് ഏഴ് വര്‍ഷമായി സുഹൈല്‍ മതപഠനം നടത്തുന്നത്. ഈ സംഭവത്തോട് സമാനമായ രീതിയിലുള്ള സര്‍ഫ് എക്‌സല്‍ പരസ്യം കഴിഞ്ഞ ദിവസങ്ങളില്‍ സോഷ്യല്‍ മീഡിയയില്‍ ഏറെ ചര്‍ച്ചയായിരുന്നു.
Latest
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
മോര്‍ഫ് ചെയ്ത വീഡിയോ ഉണ്ടെന്ന് പറഞ്ഞിട്ടില്ല,പറഞ്ഞത് പോസ്റ്റർ പ്രചരിക്കുന്നുവെന്ന്; കെകെ ശൈലജ
മണിപ്പൂരിലെ പോളിങ് ബൂത്തിലുണ്ടായ വെടിവെപ്പില്‍ മൂന്ന് പേര്‍ അറസ്റ്റില്‍
