Kerala
വസന്തകുമാറിന്റെ മൃതദേഹം ഇന്നെത്തിക്കും
കല്‍പ്പറ്റ: പുല്‍വാമയില്‍ ഭീകരാക്രമണത്തില്‍ വീരമൃത്യു വരിച്ച വയനാട് സ്വദേശി വി വി വസന്തകുമാറിന്റെ (42) മൃതദേഹം ഇന്ന് നാട്ടിലെത്തിക്കും. ഭൗതിക ശരീരം ഡി എന്‍ എ പരിശോധന പൂര്‍ത്തിയാക്കി ഡല്‍ഹി വഴി കരിപ്പൂര്‍ വിമാനത്താവളത്തിലെത്തിച്ച് ഇന്ന് സ്വദേശമായ ലക്കിടിയിലെത്തിക്കും. കരിപ്പൂര്‍ വിമാനത്താവളത്തില്‍ ജില്ലാ കലക്ടര്‍ ഭൗതിക ശരീരം ഏറ്റുവാങ്ങും. തുടര്‍ന്ന് ഔദ്യോഗിക ബഹുമതികളോടെ തൃക്കൈപറ്റയിലെ സമുദായ ശ്മശാനത്തില്‍ പൂര്‍ണ സൈനിക സംസ്ഥാന ബഹുമതികളോടെ ധീരജവാന് വിട നല്‍കും.
ലക്കിടി സ്വദേശിയായ വസന്തകുമാര്‍ വാഴക്കണ്ടി വീട്ടില്‍ പരേതനായ വാസുദേവന്റെയും ശാന്തയുടെയും മകനാണ്.
ഈ മാസം ഒമ്പതിനാണ് കുന്നത്തിടവക വാഴക്കണ്ടി വീട്ടില്‍ വസന്തകുമാര്‍ അഞ്ച് ദിവസത്തെ ലീവിന് നാട്ടിലെത്തി മടങ്ങിയത്. സ്ഥാനക്കയറ്റവുമായി ബന്ധപ്പെട്ട് ബറ്റാലിയന്‍ മാറാനുള്ള അഞ്ച് ദിവസം കുടുംബത്തോടൊപ്പം ചെലവഴിക്കുക എന്ന ലക്ഷ്യവുമായാണ് നാട്ടിലെത്തിയത്. ഭാര്യ: ഷീന. മക്കള്‍: അനാമിക (എട്ട്) അമര്‍ദീപ് (അഞ്ച്). ഏക സഹോദരി: വസുമിത.
Latest
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
ആരവത്തിലലിഞ്ഞ് പതിനായിരങ്ങള്‍; പൂത്തുലഞ്ഞ് തൃശൂര്‍ പൂരം
കല്യാശ്ശേരിയിലെ വോട്ടിംഗ് ക്രമക്കേട്; അഞ്ച് ഉദ്യോഗസ്ഥര്‍ക്ക് സസ്‌പെന്‍ഷന്‍
പൂഞ്ഞാറില്‍ ഇ വി എമ്മില്‍ നിന്നും അധിക സ്ലിപ്പ് ലഭിച്ചതില്‍ പിഴവ് ഇല്ല: ജില്ലാ കലക്ടര്‍
അറബ് റിപബ്ലിക് ഓഫ് ഈജിപ്ത് അതിഥി രാജ്യം; അബൂദബി അന്താരാഷ്ട്ര പുസ്തകമേള 29 മുതല്‍
