Kerala
മുത്വലാഖ്: കുഞ്ഞാലിക്കുട്ടി വിട്ടുനിന്ന സംഭവത്തില് പ്രതികരിക്കാതെ കെ പി എ മജീദ്
തിരുവനന്തപുരം: മുത്വലാഖ് ബില്ല് പാര്ലിമെന്റില് പാസ്സാക്കിയ വേളയില് പികെ കുഞ്ഞാലിക്കുട്ടി എംപി വിട്ടു നിന്ന സംഭവത്തില് പ്രതികരിക്കാതെ മുസ്ലിം ലീഗ് സംസ്ഥാന ജനറല് സെക്രട്ടറി കെ പി എ മജീദ്. ദേശീയ വിഷയമായതിനാല് പ്രതികരിക്കുന്നില്ലെന്നും കുഞ്ഞാലിക്കുട്ടി തന്നെ വിശദീകരണം നല്കുമെന്നും അദ്ദേഹം കൂട്ടിച്ചേര്ത്തു.
മുത്വലാഖ് ബില്ലിന്മേല് ലോക്സഭയില് ചര്ച്ച നടക്കുന്ന സമയത്ത് കുഞ്ഞാലിക്കുട്ടി തിരൂരിലെ സുഹൃത്തിന്റെ മകന്റെ വിവാഹസത്കാരത്തില് പങ്കെടുക്കുകയായിരുന്നു. അതേസമയം, മറ്റൊരു ലീഗ് എംപിയായ ഇ ടി മുഹമ്മദ് ബഷീര് സഭയില് എത്തി വോട്ട് രേഖപ്പെടുത്തുകയും ചെയ്തു. കുഞ്ഞാലിക്കുട്ടിയുടെ അസാനിധ്യം പാര്ട്ടിയിലും സാമൂഹിക മാധ്യമങ്ങളിലും ചര്ച്ചയായിരുന്നു.
മുത്വലാഖ് ബില്ല് ലോക്സഭയില് ഇന്നലെ ചര്ച്ചക്ക് വരുമെന്ന് കാര്യം കഴിഞ്ഞ ആഴ്ച തന്നെ വ്യക്തമായിരുന്നു. എന്നിട്ടും നിര്ണാകയമായ വേളയില് കുഞ്ഞാലിക്കുട്ടി സഭയില് എത്താതിരുന്നത് ലീഗ് നേതാക്കളില് വലിയ അമര്ഷത്തിന് ഇടയാക്കിയിട്ടുണ്ട്. എന്നാല്, ഇത് സംബന്ധിച്ച് നേതാക്കള് ആരും പരസ്യപ്രതികരണത്തിന് മുതിര്ന്നിട്ടില്ല.