Ongoing News
ഐ ലീഗ്: മോഹന്‍ ബഗാനെ സമനിലയില്‍ പിടിച്ച് ഗോകുലം കേരള
കോഴിക്കോട്: ഐ ലീഗ് ഫുട്‌ബോളില്‍ കൊല്‍ക്കത്ത മോഹന്‍ ബഗാനെ സമനിലയില്‍ പിടിച്ച് ഗോകുലം കേരള എഫ് സി. കോഴിക്കോട് ഇഎംഎസ് കോര്‍പറേഷന്‍ സ്റ്റേഡിയത്തില്‍ നടന്ന മത്സരം 1-1ന് സമനിലയില്‍ പിരിഞ്ഞു. ആദ്യ പകുതിയില്‍ ഒരു ഗോളിന് പിന്നിലായിരുന്ന കേരളം രണ്ടാം പകുതിയില്‍ നേടിയ സെല്‍ഫ് ഗോളിലാണ് സമനില പിടിച്ചത്.
The match was a story of two halves – @Mohun_Bagan first and the second belonged to @GokulamKeralaFC as the thriller ended in a draw.
GKFC 1-1 MB#GKFCMB #HeroILeague #ILeagueIConquer pic.twitter.com/4WiiHBuWg3
— Hero I-League (@ILeagueOfficial) October 27, 2018
നാല്‍പ്പതാം മിനുട്ടില്‍ ഉഗാണ്ടന്‍ താരം ഹെന്റി കിസീക്കെയാണ് ബഗാന് വേണ്ടി വല കുലുക്കിയത്. കഴിഞ്ഞ സീസണില്‍ ഗോകുലത്തിന്റെ താരമായിരുന്ന കിസീക്കെ ഫ്രീ കിക്കില്‍ നിന്നാണ് ഗോള്‍ കണ്ടെത്തിയത്. രണ്ടാം പകുതിയില്‍ ഉണര്‍ന്നു കളിച്ച കേരളം അവസരങ്ങള്‍ നെയ്‌തെടുത്തു. ഇതിനിടെ 71ാം മിനുട്ടില്‍ ലാല്‍ചുന്‍കിമയുടെ സെല്‍ഫ് ഗോള്‍ വന്നതോടെ മത്സരം സമനിലയിലായി. പകരക്കാരനായെത്തിയ എസ് രാജേഷ് നടത്തിയ നീക്കമാണ് സെല്‍ഫ് ഗോളില്‍ കലാശിച്ചത്. തൊട്ടുപിന്നാലെ രാജേഷിന്റെ ഒരു തകര്‍പ്പന്‍ ഷോട്ട് ഗോള്‍ പോസ്റ്റില്‍ തട്ടിത്തെറിച്ചു.
ഈ മാസം 31ന് നടക്കുന്ന രണ്ടാം മത്സരത്തില്‍ നെരോക്ക എഫ് സി യാണ് ഗോകുലത്തിന്റെ എതിരാളികള്‍. മോഹന്‍ ബഗാന് അടുത്ത മത്സരത്തില്‍ ഐസ്വാള്‍ എഫ് സിയെ നേരിടും. നവംബര്‍ മൂന്നിനാണ് മത്സരം.
Latest
സുഗന്ധഗിരി മരംമുറിക്കല്‍ കേസ്; ഡിഎഫ്ഒക്കെതിരായ നടപടി മരവിപ്പിച്ചത് നടപടിക്രമങ്ങളിലെ പാളിച്ചയെ തുടര്‍ന്നെന്ന് മന്ത്രി
മലബാര്‍ പൊറോട്ടയുടെ ജി എസ് ടി 18 ശതമാനം ആക്കണമെന്ന അപ്പലേറ്റ് അതോറിറ്റിയുടെ ഉത്തരവ് ഹൈക്കോടതി തള്ളി
പഞ്ചാബിലെ സംഗ്രൂര്‍ ജയിലില്‍ തടവുകാര്‍ തമ്മില്‍ സംഘര്‍ഷം; രണ്ട് മരണം
നെസ്ലെയുടെ സെറലാക്കില്‍ ഉയര്‍ന്ന അളവില്‍ പഞ്ചസാര; അന്വേഷണത്തിന് ഉത്തരവിട്ട് സിസിപിഎ
വോട്ടര്‍മാര്‍ക്ക് പണം നല്‍കാന്‍ എത്തിയെന്ന് ആരോപണം; മദ്യ വ്യവസായിയെ തടഞ്ഞു
സംവിധായകന്‍ ജോഷിയുടെ വീട്ടില്‍ മോഷണം; ഒരു കോടിയുടെ വസ്തുക്കള്‍ കവര്‍ന്നു
