Kerala
പ്രശസ്ത ഗസല്‍ ഗായകന്‍ ഉമ്പായി അന്തരിച്ചു
ആലുവ: പ്രശസ്ത ഗസല്‍ ഗായകന്‍ ഉമ്പായി അന്തരിച്ചു. 68 വയസായിരുന്നു. ബുധനാഴ്ച വൈകീട്ട് 4.40 ന് ആലുവ അൻവർ പാലിയേറ്റിവ് കെയറിൽ വച്ചായിരുന്നു അന്ത്യം. കാന്‍സര്‍ ബാധിതനായി ചികില്‍സയില്‍ ആയിരുന്നു. മയ്യിത്ത് നാളെ മട്ടാഞ്ചേരിയിലെ കൽവാത്തി ജുമാ മസ്ജിദ് ഖബർസ്ഥാനിൽ ഖബറടക്കും.
മലയാളികളുടെ ഇഷ്ട ഗസല്‍ ഗായകനായിരുന്നു പി എം ഇബ്രാഹിം എന്ന ഉമ്പായി. 1950ല്‍ അബു – ഫാത്തിമ ദമ്പതികളുടെ മകനായി മട്ടാഞ്ചേരി കല്‍വത്തിയിലാണ് ജനനം. 12ല്‍ അധികം ഗസല്‍ ആല്‍ബങ്ങള്‍ അദ്ദേഹത്തിന്റെതായി പുറത്തിറങ്ങിയിട്ടുണ്ട്. പാടുക സൈഗാള്‍ പാടൂ, ഒരിക്കല്‍ നീ പറഞ്ഞു, അകലെ മൗനം പോല്‍ തുടങ്ങിയവ അദ്ദേഹത്തിന്റെ ഹിറ്റ് ഗാനങ്ങളില്‍ ചിലത് മാത്രം.
മത്സ്യക്കച്ചവടം നടത്തിയും തോണിക്കാരനായും ജീവിതം മെനഞ്ഞ ഉമ്പായി ഒരിക്കല്‍ മുംബൈയിലെ അധോലോകത്തിന്റെ വലയിലും പെട്ടിരുന്നു. പ്രശസ്ത സംഗീത സംവിധായകന്‍ ജോണ്‍ എബ്രഹാമാണ് ഉമ്പായിക്ക് ആ പേര് നല്‍കിയത്.
ഭാര്യ ഹഫ്‌സ. മൂന്ന് മക്കളുണ്ട്.
Latest
യു എസില് വാഹനാപകടത്തില് മലയാളി ദമ്പതികളും കുട്ടികളും മരിച്ചു
താമരശ്ശേരിയില് യുവാവിന് കുത്തേറ്റ സംഭവം ; പ്രതി പിടിയില്
വിവിപാറ്റുകള് പൂര്ണ്ണമായി എണ്ണണമെന്ന ആവശ്യം സുപ്രീം കോടതി തള്ളി
ഒറ്റപ്പാലത്ത് വോട്ടർ കുഴഞ്ഞുവീണു മരിച്ചു
കോഴിക്കോട് ബൂത്ത് ഏജന്റ് കുഴഞ്ഞു വീണ് മരിച്ചു
എല്ഡിഎഫ് ചരിത്ര വിജയം നേടും; കേരള വിരുദ്ധ ശക്തികള്ക്കെതിരായ താക്കീതാകും തിരഞ്ഞെടുപ്പ്: മുഖ്യമന്ത്രി
