Kerala
ദീപ നിശാന്തിനെ ഫോണില്‍ വിളിച്ച മൂന്ന് യുവാക്കള്‍ അറസ്റ്റില്‍
തൃശൂര്‍: എഴുത്തുകാരിയും തൃശൂര്‍ കേരളവര്‍മ കോളജ് അധ്യാപികയുമായ ദീപ നിശാന്തിനോട് ഫോണിലൂടെ അസഭ്യവര്‍ഷം നടത്തിയ കേസില്‍ മൂന്ന് യുവാക്കളെ പോലീസ് അറസ്റ്റ് ചെയ്തു. മാള പുത്തന്‍ചിറ സ്വദേശി അനൂപ്(20), നെടുപുഴ സ്വദേശി ആഷിക്(19), കോഴിക്കോട് ബാലുശ്ശേരി സ്വദേശി ലാലു(20) എന്നിവരെയാണ് തൃശൂര്‍ വെസ്റ്റ് പോലീസ് അറസ്റ്റ് ചെയ്തത്. ബിജെ പി അനുകൂല വാട്‌സാപ്പ് ഗ്രൂപ്പുകളില്‍ ദീപയുടെ നമ്പര്‍ പോസ്റ്റ് ചെയ്തിരുന്നു. ഈ നമ്പറില്‍ തുടരെ വിളിക്കാനായിരുന്നു നിര്‍ദേശം. ഇങ്ങനെ ഒട്ടേറെ കോളുകള്‍ ദീപക്ക് ലഭിച്ചു. വിളിച്ചവരുടെ പേരുവിവരങ്ങളും സംഭാഷണവും സഹിതമാണ് ദീപ പരാതി നല്‍കിയത്.
സംഘ്പരിവാറിനെ വിമര്‍ശിച്ചുള്ള ഫേസ്ബുക്ക് പോസ്റ്റിനു ശേഷമായിരുന്നു ദീപ നിശാന്തിനെതിരെ സൈബര്‍ ആക്രമണം രൂക്ഷമായത്. ഇതോടൊപ്പം വാട്‌സാപ്പ് ഗ്രൂപ്പുകളിലും പ്രചാരണം തുടര്‍ന്നു. ഭര്‍ത്താവിന്റെയും കുഞ്ഞിന്റെയും ഫോട്ടോ സഹിതം ദുഷ്പ്രചാരണം നടത്തി. ദീപയുടെ മൂന്ന് പരാതികളാണ് പോലീസ് അന്വേഷിക്കുന്നത്. മോശം കമന്റുകളിട്ടവരുടെ സ്‌ക്രീന്‍ഷോട്ട്, വാട്‌സാപ്പ് ഗ്രൂപ്പുകളില്‍ ദീപയുടെ നമ്പര്‍ സഹിതമുള്ള പോസ്റ്റ് തുടങ്ങിയ തെളിവുകള്‍ സഹിതമായിരുന്നു പരാതി നല്‍കിയത്.
Latest
ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ വോട്ട് രേഖപ്പെടുത്തി
വോട്ടിന് പണം ; സുരേഷ് ഗോപി നാടിനെ നാണം കെടുത്തിയെന്ന് വി സ് സുനില്‍കുമാര്‍
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
ജനാധിപത്യത്തെ സംരക്ഷിക്കാനായി വോട്ട് രേഖപ്പെടുത്തണമെന്ന് രാഹുല്‍ ഗാന്ധി
വോട്ടിങ് യന്ത്രത്തിലെ തകരാര്‍; വയനാട്ടില്‍ അഞ്ചിടത്ത് പോളിങ് വൈകി
പത്തനംതിട്ടയില്‍ താമര ചിഹ്നത്തിന് വലിപ്പം കൂടുതലെന്ന് ആക്ഷേപം
