Sports
ലിവര്പൂളിനെ ബഹുമാനിക്കുന്നു, ഭയക്കുന്നില്ല : ക്രിസ്റ്റ്യാനോ
മാഡ്രിഡ്: യുവേഫ ചാമ്പ്യന്സ് ലീഗ് ഫൈനലിലെ എതിരാളികളായ ലിവര്പൂളിനെ കുറിച്ച് റയല് മാഡ്രിഡ് സ്ട്രൈക്കര് ക്രിസ്റ്റ്യാനോ റൊണാള്ഡോക്ക് ഏറെ മതിപ്പ്. അതിവേഗക്കാരായ മൂന്ന് മുന്നേറ്റക്കാരുള്ള ലിവര്പൂളിന്റെ ആക്രമണ നിര മികച്ചതാണ്. ഏതാനും വര്ഷം മുമ്പ് റയല് കളിച്ചത് പോലെയാണ് ലിവര്പൂള് ഇപ്പോള് കളിക്കുന്നത്.
ചാമ്പ്യന്സ് ലീഗ് ഫൈനല് ആന്ഫീല്ഡ് ക്ലബ്ബിന് അര്ഹതക്കുള്ള അംഗീകാരമാണ്. ലിവര്പൂളിനെ അങ്ങേയറ്റം ബഹുമാനിക്കുന്നു. അതേസമയം ചാമ്പ്യന്സ് ലീഗ് തന്റെ ടീം ഉയര്ത്തുമെന്ന് ക്രിസ്റ്റ്യാനോ അവകാശവാദം ഉന്നയിച്ചു. ചരിത്രവും പരിചയ സമ്പത്തും റയലിന് തുണയാണെന്നും പോര്ച്ചുഗീസ് താരം. സ്പാനിഷ് ലാ ലിഗയില് ബാഴ്സലോണക്ക് പതിമൂന്ന് പോയിന്റ് പിറകിലായി മൂന്നാം സ്ഥാനത്ത് ഫിനിഷ് ചെയ്ത റയലിന് സീസണില് തല ഉയര്ത്തിപ്പിടിക്കാനുള്ള അവസരമാണ് ചാമ്പ്യന്സ് ലീഗ് കിരീടം.
കഴിഞ്ഞ രണ്ട് സീസണിലും റയലാണ് ചാമ്പ്യന്മാര്. ഹാട്രിക്ക് കിരീടം എന്ന ചരിത്ര നേട്ടത്തിനരികിലാണ് ക്രിസ്റ്റ്യാനോയും സംഘവും.ചാമ്പ്യന്സ് ലീഗ് തന്നെ സംബന്ധിച്ച് ഏറെ പ്രത്യേകതയുള്ള ടൂര്ണമെന്റാണ്. സീസണില് ചാമ്പ്യന്സ് ലീഗിലെ എല്ലാ ഗ്രൂപ്പ് മത്സരങ്ങളിലും ഞാന് സ്കോര് ചെയ്തു. വ്യക്തിപരമായി ഏറെ പ്രചോദിതനാണ്. ലാ ലിഗയിലേറ്റ തിരിച്ചടി മറക്കാന് ചാമ്പ്യന്സ് ലീഗ് വിജയം അനിവാര്യമാണ് – ക്രിസ്റ്റ്യാനോ പറഞ്ഞു. ശനിയാഴ്ചയാണ് ഫൈനല്.
Latest
മോശം കാലാവസ്ഥ; മുംബൈയിലേക്ക് പുറപ്പെട്ട 11 വിമാനങ്ങള് വഴിതിരിച്ചുവിട്ടു
കേരള ബ്ലാസ്റ്റേഴ്സിന്റെ ഉടമസ്ഥാവകാശത്തിൽ മാറ്റം; യു എ ഇയിലെ അല് ഫുര്സാന് ഗ്രൂപ്പ് പുതിയ ഉടമകള്
തിരഞ്ഞെടുപ്പ് കമ്മീഷനെതിരായ കാര്ട്ടൂണ്;സതീഷ് ആചാര്യയുടെ ഇന്സ്റ്റാഗ്രാം അക്കൗണ്ട് പൂട്ടിച്ച് കേന്ദ്ര സര്ക്കാര്
ബിഎല്എഫിന്റെ വനിതാ യൂണിറ്റ് ആദ്യമായി നടത്തിയ സായുധ ആക്രമണത്തിന്റെ ദൃശ്യങ്ങള് പുറത്ത്; ഒമ്പത് പാക് സൈനികര് കൊല്ലപ്പെട്ടതായി അവകാശവാദം
യു പിയില് 15 ദിവസം പ്രായമുള്ള കുഞ്ഞിനെ 5 ലക്ഷം രൂപക്ക് വിറ്റു; മാതാപിതാക്കള് ഉള്പ്പെടെ ആറ് പേര് അറസ്റ്റില്
റഷ്യയില് പരിശീലന പറക്കലിനിടെ ആണവായുധ വാഹക ശേഷിയുള്ള ബോംബര് വിമാനം തകര്ന്നു വീണു; ആറ് മരണം
