International
ലൈംഗിക വിവാദം; ചിലിയിലെ കത്തോലിക്ക ബിഷപ്പുമാരെല്ലാം രാജിവെക്കുന്നു
സാന്റിയാഗോ: ലൈംഗികാരോപണ വിവാദങ്ങളെ തുടര്‍ന്ന് ചിലിയിലെ കത്തോലിക്കാ ചര്‍ച്ച് ബിഷപ്പുമാര്‍ മുഴുവന്‍ രാജിവെക്കാനൊരുങ്ങുന്നു. വെള്ളിയാഴ്ച പോപ്പ് ഫ്രാന്‍സിസുമായി നടത്തിയ അടിയന്തര യോഗത്തിന് ശേഷമാണ് രാജിവെക്കുന്നതായി പ്രഖ്യാപിച്ചത്. ഇപ്പോള്‍ അധികാരത്തിലുള്ള 31 ബിഷപ്പുമാരും മൂന്ന് വിരമിച്ച ബിഷപ്പുമാരും രാജിവെക്കാന്‍ തയ്യാറാണെന്ന രേഖയില്‍ ഒപ്പുവെച്ചു. ഇനി ഇവരുടെ ഭാവി തീരുമാനിക്കുക പോപ്പ് ഫ്രാന്‍സിസായിരിക്കും. ലാറ്റിനമേരിക്കന്‍ രാജ്യമായ ചിലിയില്‍ അരങ്ങേറിയ വിവാദ സംഭവങ്ങളെ കുറിച്ച് അന്വേഷിക്കാന്‍ നേരത്തെ പോപ്പ് ഫ്രാന്‍സിസ് ബിഷപ്പുമാരെ റോമിലേക്ക് വിളിച്ചുവരുത്തുകയായിരുന്നു.
ഇതാദ്യമായാണ് ഒരു രാജ്യത്തെ മുഴുവന്‍ ബിഷപ്പുമാരും രാജിവെക്കാന്‍ നിര്‍ബന്ധിതരാകുന്നത്. ക്രിസ്ത്യന്‍ പുരോഹിതന്മാരില്‍ നിന്ന് നേരിടേണ്ടിവരുന്ന ലൈംഗിക അതിക്രമങ്ങളില്‍ നിന്ന് കുട്ടികളെ രക്ഷപ്പെടുത്തുന്നതില്‍ കാണിച്ച അലംഭാവം, ആരോപണങ്ങള്‍ ചെറുതായി കാണുക, ലൈംഗികാക്രമണ കേസുകളിലെ തെളിവുകള്‍ നശിപ്പിക്കുക എന്നീ വിഷയങ്ങളില്‍ പോപ്പ് ബിഷപ്പുമാരെ രൂക്ഷമായി വിമര്‍ശിച്ചിരുന്നു.
Latest
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
