International
യു എസ് ആണവകരാറില്‍ നിന്ന് പിന്മാറിയാല്‍ യുറേനിയം സമ്പുഷ്ടീകരണം പുനരാരംഭിക്കും: ഇറാന്‍
തെഹ്‌റാന്‍: 2015ലെ ആണവ കരാറില്‍ നിന്ന് അമേരിക്ക പിന്മാറുകയാണെങ്കില്‍ ആണവ സമ്പുഷ്ടീകരണം പുനരാരംഭിക്കുമെന്ന് ഇറാന്റെ മുന്നറിയിപ്പ്. ഇറാന്‍ വിദേശകാര്യ മന്ത്രി മുഹമ്മദ് ജവാദ് സരീഫാണ് അമേരിക്കക്ക് മുന്നറിയിപ്പ് നല്‍കി രംഗത്തെത്തിയത്. കരാറില്‍ നിന്ന് പിന്മാറിയാല്‍ മറ്റു ചില കടുത്ത നടപടികളിലേക്ക് കൂടി രാജ്യം കടക്കുമെന്നും അദ്ദേഹം കൂട്ടിച്ചേര്‍ത്തു. ന്യൂയോര്‍ക്കില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ആണവ ബോംബ് കരസ്ഥമാക്കുകയെന്നത് ഇറാന്റെ താത്പര്യമല്ല. എന്നാല്‍ 2015ലെ ആണവ കരാറില്‍ നിന്ന് യു എസ് പിന്മാറിയാല്‍ യുറേനിയം സമ്പുഷ്ടീകരണം പുനരാരംഭിക്കും. ഇറാന്‍ ആണവ ബോംബ് നിര്‍മിക്കുന്നുവെന്ന് ഒരിക്കലും അമേരിക്ക ഭയപ്പെടുന്നില്ല. എന്നാല്‍ ആണവ കരാറില്‍ നിന്ന് പിന്മാറിയില്‍ യുറേനിയം സമ്പുഷ്ടീകരണം ഇറാന്‍ പുനരാരംഭിക്കുമെന്ന് അമേരിക്കക്ക് അറിയാം. ആണവ കരാറില്‍ ഉറച്ചുനില്‍ക്കാന്‍ യൂറോപ്യന്‍ യൂനിയന്‍ രാജ്യങ്ങള്‍ അമേരിക്കക്ക് മേല്‍ സമ്മര്‍ദം ചെലുത്തണം. കറാറിലെ നേട്ടങ്ങള്‍ സ്വന്തമാക്കുകയെന്നത് ഇറാനെ സംബന്ധിച്ചിടത്തോളം ഏറെ പ്രധാനപ്പെട്ടതാണെന്നും അദ്ദേഹം കൂട്ടിച്ചേര്‍ത്തു.
ഇന്ന് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍ അമേരിക്ക സന്ദര്‍ശിക്കുന്നുണ്ട്. ട്രംപും മാക്രോണും തമ്മിലുള്ള കൂടിക്കാഴ്ചക്കിടെ പ്രധാനമായും ഇറാന്‍ ആണവകരാറിനെ കുറിച്ചായിരിക്കും ചര്‍ച്ച ചെയ്യുകയെന്നാണ് സൂചന. ജര്‍മന്‍ ചാന്‍സലര്‍ ആഞ്ചലെ മെര്‍ക്കല്‍ കഴിഞ്ഞ ദിവസം അമേരിക്കയിലെത്തി ട്രംപുമായി കൂടിക്കാഴ്ച നടത്തിയിരുന്നു. ഇറാനെ ആണവ സമ്പുഷ്ടീകരണത്തില്‍ നിന്ന് വിലക്കുന്ന ആണവ കരാറുമായി മുന്നോട്ടുപോകാന്‍ യൂറോപ്യന്‍ രാജ്യങ്ങള്‍ അമേരിക്കന്‍ പ്രസിഡന്റ് ട്രംപിനെ പ്രേരിപ്പിക്കുമെന്നാണ് റിപ്പോര്‍ട്ടുകള്‍.
Latest
മതനിരപേക്ഷ ജനാധിപത്യ സംവിധാനം ഇന്ത്യയില്‍ നിലനില്‍ക്കുമോയെന്ന് തീരുമാനിക്കുന്ന തിരഞ്ഞെടുപ്പാണ് ഇപ്പോള്‍ നടക്കുന്നത്; സീതാറാം യെച്ചൂരി
ഛത്തീസ്ഗഡില്‍ പോളിംഗ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് സിആര്‍പിഎഫ് ജവാന് പരുക്ക്
മംഗലാപുരം സ്വദേശിയെ മോങ്ങത്തെ കുളത്തില്‍ മരിച്ചനിലയില്‍ കണ്ടെത്തി
തിരഞ്ഞെടുപ്പ് റാലിക്കിടെ ബിജെപി സ്ഥാനാര്‍ഥി പള്ളിക്ക് നേരെ സാങ്കല്‍പ്പിക അമ്പ് തൊടുത്തു; വന്‍ പ്രതിഷേധം
നാവിക സേനയുടെ അടുത്ത മേധാവിയായി വൈസ് അഡ്മിറല്‍ ദിനേശ്കുമാര്‍ ത്രിപാഠിയെ നിയമിച്ചു
ജയിലെന്ന് കേട്ടാല്‍ പേടിക്കുന്നവരല്ല ഞങ്ങളെന്ന് മുഖ്യമന്ത്രി പിണറായി വിജയന്‍ ; രാഹുല്‍ ഗാന്ധിക്കെതിരെ രൂക്ഷ വിമര്‍ശനം
