Kerala
ഐ വി ശശിയുടെ സംസ്‌കാരം ഇന്ന്
ചെന്നൈ: പ്രശസ്ത സിനിമാ സംവിധായകന്‍ ഐ വി ശശിയുടെ സംസ്‌കാരം ഇന്ന്. വൈകീട്ട് ആറിന് ചൈന്നൈ പൊരൂറിലെ പൊതുശ്മശാനത്തിലാണ് ചടങ്ങ്. സാലിഗ്രാമിലെ വീട്ടില്‍ പൊതു ദര്‍ശനത്തിന് വെച്ചിരിക്കുകയാണ് മൃതദേഹം.
മലയാളത്തിന് പുറമേ തമിഴ്, തെലുങ്ക്, ഹിന്ദി ഭാഷകളിലായി 150ലേറെ ചിത്രങ്ങള്‍ സംവിധാനം ചെയ്ത ഐ വി ശശി (69) ഇന്നലെയാണ് അന്തരിച്ചത്. ഐ വി ശശി അര്‍ബുദ ചികിത്സയിലായിരുന്നു. നടി സീമയാണ് ഭാര്യ. മക്കള്‍: അനു, അനി. കുടുംബത്തോടെ ചെന്നൈയിലായിരുന്നു താമസം.
കോഴിക്കോട് വെസ്റ്റ്ഹില്‍ സ്വദേശിയായ ഐ വി ശശി മദ്രാസ് സ്‌കൂള്‍ ഓഫ് ആര്‍ട്‌സില്‍ നിന്ന് ചിത്രകലയില്‍ ഡിപ്ലോമ നേടിയ ശേഷമാണ് സിനിമയിലെത്തിയത്. “ഉത്സവം” ആണ് ആദ്യചിത്രം. 1982ല്‍ സംവിധാനം ചെയ്ത “ആരൂഢം” ദേശീയോദ്ഗ്രഥനത്തിനുള്ള ദേശീയ അവാര്‍ഡ് നേടി. സംസ്ഥാന സര്‍ക്കാര്‍ 2015ല്‍ ജെ സി ഡാനിയേല്‍ പുരസ്‌കാരം നല്‍കി ആദരിച്ചിരുന്നു. “അവളുടെ രാവുകളി”ലൂടെയാണ് മലയാളത്തിലെ വിലയേറിയ സംവിധായകനായി ശശി മാറിയത്.
Latest
സംസ്ഥാനത്ത് ഇന്ന് മുതല്‍ മഴ വീണ്ടും ശക്തമാകും; മൂന്ന് ജില്ലകളില്‍ യെല്ലോ അലര്‍ട്ട്
ഗസയില്‍ 60 ദിവസത്തെ വെടിനിര്‍ത്തലെന്ന് ട്രംപ്; ഇസ്‌റാഈല്‍ സമ്മതിച്ചതായും അവകാശവാദം
ഇസ്‌റാഈലിലേക്ക് മിസൈല്‍ വര്‍ഷിച്ച് യെമന്‍;നിരവധിയിടങ്ങളില്‍ സൈറന്‍ മുഴങ്ങി
കേരളത്തില്‍ തീവ്രവാദ ഗ്രൂപ്പുകള്‍ വളരുന്നതായി തോന്നിയിട്ടില്ല:ഡി ജി പി
ഇ കെ നായനാര്‍ അനുസ്മരണം സംഘടിപ്പിച്ചു
ഇടുക്കിയില്‍ ചന്ദനം കടത്തിയ കുപ്രസിദ്ധ ഗുണ്ടകള്‍ പിടിയില്‍
