National
തമിഴ്‌നാട്: പളനി സ്വാമി വിളിച്ച യോഗത്തില്‍ 111 എംഎല്‍എമാര്‍
ചെന്നൈ: തമിഴ്‌നാട്ടില്‍ പളനി സ്വാമി പക്ഷം പിടിമുറുക്കുന്നതിന്റെ സൂചന നല്‍കി എഐഎഡിഎംകെ എംഎല്‍എമാരുടെ യോഗം. മുഖ്യമന്ത്രി എടപ്പാടി പളനിസ്വാമി വിളിച്ച യോഗത്തില്‍ പങ്കെടുക്കാന്‍ 111 എംഎല്‍എമാര്‍ എത്തി. ടിടിവി ദിനകരനെ തള്ളി കൂടുതല്‍ പ്രവര്‍ത്തകര്‍ പളനി സ്വാമി പക്ഷത്തേക്ക് ചാഞ്ഞതായാണ് സൂചന.
234 അംഗ നിയമസഭയില്‍ 134 എംഎല്‍എമാരാണ് അണ്ണാ ഡിഎംകെക്കുള്ളത്. ഭരണം നിലനിര്‍ത്തണമെങ്കില്‍ പളനി സ്വാമിക്ക് 117 പേരുടെ പിന്തുണ വേണം. ഇന്നത്തെ യോഗത്തില്‍ 111 പേര്‍ പങ്കെടുത്തിട്ടുണ്ട്. ഇതിന് പുറമെ ദിനകരന്‍ പക്ഷത്തുള്ള ഒന്‍പത് പേര്‍ പളനി സ്വാമിയെ വിളിച്ച് പിന്തുണ അറിയിച്ചതായും റിപ്പോര്‍ട്ടുകളുണ്ട്. ഇതു ശരിയെങ്കില്‍ ദിനകരന്‍ ഉയര്‍ത്തിയ വെല്ലുവിളികളെ അതിജയിക്കാന്‍ സ്വാമിക്ക് കഴിയും.
കഴിഞ്ഞ മാസം 28നും പളനി സ്വാമി എംഎല്‍എമാരുടെ യോഗം വിളിച്ചിരുന്നു. എന്നാല്‍ അന്ന് 78 പേര്‍ മാത്രമാണ് പങ്കെടുത്തത്. ഇത് 111 ആയി ഉയര്‍ന്നത് ശുഭസൂചനയായാണ് പളനി സ്വാമി പക്ഷം കാണുന്നത്. പാര്‍ട്ടി ജനറല്‍ കൗണ്‍സിലിന് ഒരാഴ്ച മാത്രം ബാക്കി നില്‍ക്കെയാണ് യോഗം.
Latest
കെഎസ്ഇബി മുന്നറിയിപ്പില്ലാതെ വൈദ്യുതി വിച്ഛേദിച്ചു ; കോഴിഫാമിലെ 1500 കോഴികള്‍ ചത്തതായി പരാതി
മഹാരാഷ്ട്ര സഹകരണബേങ്ക് തട്ടിപ്പ്; അജിത്പവാറിന് ക്ലീന്‍ചിറ്റ് നല്‍കി അന്വേഷണ സംഘം
പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച 65കാരന്‍ അറസ്റ്റില്‍
മണിപ്പൂരില്‍ വീണ്ടും സ്‌ഫോടനം; പാലം തകര്‍ന്നു, പരുക്കോ മരണമോ റിപ്പോര്‍ട്ട് ചെയ്തിട്ടില്ല
വൈദ്യപരിശോധനയ്ക്ക് എത്തിച്ചപ്പോള്‍ പോലീസ് കസ്റ്റഡിയില്‍ നിന്നും ഓടി രക്ഷപ്പെട്ട പ്രതി രണ്ട് ദിവസത്തിന് ശേഷം കീഴടങ്ങി
രാഷ്ട്രീയ പാരമ്പര്യമാണ് അന്‍വര്‍ ഉദ്ദേശിച്ചത് ജൈവപരമായി കാണേണ്ടതില്ല; എംവി ഗോവിന്ദന്‍
