Kerala
പെരിന്തല്‍മണ്ണയില്‍ വിദ്യാര്‍ഥി വെടിയേറ്റ് മരിച്ചത് എയര്‍ഗണ്‍ ചൂണ്ടി ഫോട്ടോയെടുക്കുമ്പോള്‍
മലപ്പുറം: പെരിന്തല്‍മണ്ണയില്‍ വിദ്യാര്‍ഥി വെടിയേറ്റു മരിച്ച സംഭവത്തില്‍ ഒരാള്‍ അറസ്റ്റില്‍. മരിച്ച മാസിന്റെ സുഹൃത്തായ മാനസമംഗലം സ്വദേശി മുസമില്‍ ആണ് അറസ്റ്റിലായത്. തോക്ക് ചൂണ്ടി ഫോട്ടോയെടുക്കുന്നതിനിടെ മാസിന് അബദ്ധത്തില്‍ വെടിയേല്‍ക്കുകയായിരുന്നുവെന്ന് പോലീസ് പറഞ്ഞു.
ഇന്നലെ വൈകീട്ടാണ് കിഴിശ്ശേരി കുഞ്ഞിമുഹമ്മദിന്റെയും താമരത്ത് ഖദീജയുടെയും മകന്‍ മാസിന്(21) എയര്‍ ഗണില്‍ നിന്ന് വെടിയേറ്റു മരിച്ചത്. പിന്‍കഴുത്തില്‍ വെടിയേറ്റ നിലയില്‍ വൈകിട്ട് 5.30ഓടെയാണ് ഇയാളെ പെരിന്തല്‍മണ്ണ അല്‍ശിഫ ആശുപത്രിയിലെത്തിച്ചത്. രക്തത്തില്‍ വാര്‍ന്ന ഇയാളെ ഒരു സ്‌കൂട്ടറില്‍ നടുക്കിരുത്തിയാണ് രണ്ട് പേര്‍ ചേര്‍ന്ന് കൊണ്ടുവന്നെങ്കിലും മാസിനെ ആശുപത്രിയിലാക്കിയ ശേഷം ഇവര്‍ കടന്നുകളയുകയായിരുന്നു. കോഴിക്കോട് റേഡിയോളജി വിദ്യാര്‍ഥിയായിരുന്നു. സീനത്ത്, സാബിത, ഷഹന എന്നിവര്‍ സഹോദരികളാണ്.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
