International
ആഹ്ലാദ പ്രകടനത്തിന് നേരെയും ഇസ്‌റാഈല്‍ ആക്രമണം
ജറൂസലേം: മുസ്‌ലിം സമൂഹത്തിന്റെ ഒറ്റക്കെട്ടായ മുന്നേറ്റത്തില്‍ ക്ഷുഭിതരായി ഇസ്‌റാഈല്‍ സൈന്യം. മസ്ജിദുല്‍ അഖ്‌സയിലേക്കെത്തുന്ന വിശ്വാസികളെ സംശയത്തിന്റെ മുള്‍മുനയില്‍ നിര്‍ത്തുന്ന സുരക്ഷാ സംവിധാനങ്ങള്‍ നീക്കം ചെയ്തതോടെ മസ്ജിദുല്‍ അഖ്‌സയിലെത്തിയ ഫലസ്തീന്‍ പൗരന്മാര്‍ക്ക് നേരെ ഇസ്‌റാഈല്‍ സൈന്യത്തിന്റെ കടന്നുകയറ്റം.
ആഹ്ലാദപ്രകടനവുമായെത്തിയ വിശ്വാസികള്‍ക്ക് നേരെ ഇസ്‌റാഈല്‍ സൈന്യം ഗ്രാനേഡും കണ്ണീര്‍വാതകങ്ങളും പ്രയോഗിച്ചതായി സന്നദ്ധ പ്രവര്‍ത്തകര്‍ വ്യക്തമാക്കി.
ക്യാമറകളടക്കമുള്ള സുരക്ഷാ സംവിധാനങ്ങള്‍ ഒഴിവാക്കി മുഴുവന്‍ കവാടങ്ങളിലൂടെയും വിശ്വാസികളെ പ്രവേശിപ്പിച്ചപ്പോള്‍ ബാബുല്‍ ഹുത്ത തുറക്കാന്‍ ഇസ്‌റാഈല്‍ സൈന്യം സന്നദ്ധമാകാത്തതാണ് ആക്രമണത്തിലേക്ക് നയിച്ചത്. 37 പേര്‍ക്ക് പരുക്കേറ്റിട്ടുണ്ടെന്ന് റെഡ്‌ക്രോസ് വക്താക്കള്‍ അറിയിച്ചു. ഇവരെ ആശുപത്രിയില്‍ പ്രവേശിപ്പിച്ചിട്ടുണ്ടെന്നും പരിക്ക് സാരമല്ലെന്നും അവര്‍ കൂട്ടിച്ചേര്‍ത്തു.
സ്ത്രീകളും കുട്ടികളുമടക്കം പതിനായിരങ്ങളാണ് ഇന്നലെ മസ്ജിദുല്‍ അഖ്‌സക്ക് സമീപം ഒരുമിച്ചു കൂടിയത്. ഫലസ്തീന്‍ ജനങ്ങള്‍ക്ക് മുന്നില്‍ പൂര്‍ണമായും പരാജയം സമ്മതിക്കേണ്ടിവന്നത് ഇസ്‌റാഈല്‍ സൈനികരെ ചൊടിപ്പിച്ചിട്ടുണ്ട്.
Latest
ഹോര്‍ലിക്‌സ് ഇനി ഫംഗ്ഷണല്‍ ന്യൂട്രീഷ്യന്‍ ഡ്രിങ്ക്സ്; ഹിന്ദുസ്ഥാന്‍ യൂണിലിവര്‍
മുബൈയില്‍ രണ്ടു കുട്ടികളെ കാറില്‍ മരിച്ച നിലയില്‍ കണ്ടെത്തി
പൂക്കോട് വെറ്ററിനറി സര്‍വ്വകലാശാല മുന്‍വിസിയുടെ സസ്‌പെന്‍ഷന്‍; ഗവര്‍ണറുടെ നടപടി ശരിവച്ച് ഹൈക്കോടതി
ഇപി ജയരാജന്‍ ബിജെപിയിലേക്ക് പോകാന്‍ ചര്‍ച്ച നടത്തി ; ആരോപണവുമായി കെ സുധാകരന്‍
വിദ്വേഷ പ്രസംഗം; പ്രധാനമന്ത്രി നരേന്ദ്രമോദിയോട് തിരഞ്ഞെടുപ്പ് കമ്മീഷന്‍ വിശദീകരണം തേടി
മാസപ്പടി കേസ്; മുഖ്യമന്ത്രിയുടെ പങ്ക് വ്യക്തമാക്കുന്ന തെളിവുകള്‍ ഹാജരാക്കാതെ മാത്യു കുഴല്‍നാടന്‍
