National
മധ്യപ്രദേശിലെ മന്ത്‌സൗറില്‍ കര്‍ഷകരെ വെടിവെച്ച പോലീസുകാര്‍ക്കെതിരെ കേസില്ല
ഭോപ്പാല്‍: മധ്യപ്രദേശിലെ മന്ത്‌സൗറില്‍ കര്‍ഷിക പ്രതിഷേധത്തിലേക്ക് വെടിവെപ്പ് നടത്തി ആറു പേര്‍ കൊല്ലപ്പെട്ട സംഭവത്തില്‍ പോലീസുകാര്‍ക്കെതിരെ ഇതുവരെ എഫ്.ഐ.ആര്‍ രജിസ്റ്റര്‍ ചെയ്തില്ലെന്ന് റിപ്പോര്‍ട്ട്. ദേശീയ മാധ്യമങ്ങളാണ് വാര്‍ത്ത പുറത്തുവിട്ടത്.
കര്‍ഷിക പ്രതിഷേധത്തിലേക്ക് പോലീസ് നടത്തിയ വെടിവെപ്പില്‍ ആറു കര്‍ഷകര്‍ കൊല്ലപ്പെട്ടിരുന്നു. എന്നാല്‍ സംഭവത്തില്‍ കുറ്റക്കാരായ പൊലീസുകാര്‍ക്കെതിരെ ഇതുവരെ കേസ് രജിസ്റ്റര്‍ ചെയ്തിട്ടില്ല. പൊലീസ് വെടിവെപ്പില്‍ റിട്ടയേര്‍ഡ് ജഡ്ജി എ.കെ ജെയിനിന്റെ നേതൃത്വത്തില്‍ ജുഡീഷ്യല്‍ അന്വേഷണം പ്രഖ്യാപിക്കുക മാത്രമാണ് സര്‍ക്കാര്‍ ചെയ്തിട്ടുള്ളത്.
അതേസമയം, കാര്‍ഷിക പ്രക്ഷോഭവുമായി ബന്ധപ്പെട്ട് മന്ത്‌സൗര്‍ ജില്ലയില്‍ 46 കേസുകളാണ് പോലീസ് രജിസ്റ്റര്‍ ചെയ്തിരിക്കുന്നത്. സായുധ പ്രക്ഷോഭം, അക്രമം എന്നീ വകുപ്പുകള്‍ പ്രകാരം കര്‍ഷകര്‍ക്കെതിരെ നിരവധി കേസുകള്‍ ഫയല്‍ ചെയ്ത പൊലീസ്, ആറു പേര്‍ മരിക്കാനിടയായ വെടിവെപ്പ് സംഭവത്തില്‍ ഇതുവരെ ഒരു കേസുപോലും രജിസ്റ്റര്‍ ചെയ്തിട്ടില്ല.
അതേസമയം ആത്മരക്ഷാര്‍ഥം വെടിവെപ്പ് നടത്തിയതിനാല്‍ പോലീസുകാര്‍ക്കെതിരെ കേസെടുക്കേണ്ടെന്ന നിലപാടിലാണ് അധികൃതര്‍.
Latest
ശബരിമല സ്വര്‍ണ്ണക്കവര്‍ച്ച; പാര്‍ഥസാരഥി ക്ഷേത്രത്തിലെ സ്‌ട്രോങ് റൂമില്‍ അമിക്കസ് ക്യൂറി പരിശോധന നടത്തി
അടിമാലിയില്‍ വീടിന് മുകളിലേക്ക് മണ്ണിടിഞ്ഞു വീണു; രണ്ട് പേര്‍ കുടുങ്ങിക്കിടക്കുന്നു
ജിമ്മിലെ വര്‍ക്കൗട്ട് കഴിഞ്ഞെത്തിയ യുവാവ് കുഴഞ്ഞ് വീണ് മരിച്ചു
പഠിക്കാന്‍ പറഞ്ഞത് ഇഷ്ടമായില്ല; പതിനാലുകാരന്‍ മാതാവിനെ താലിമാല കഴുത്തില്‍ മുറുക്കി കൊലപ്പെടുത്തി
അമേരിക്കയില്‍ വാരാന്ത്യ പാര്‍ട്ടിക്കിടെ വെടിവെപ്പ്; രണ്ട് പേര്‍ കൊല്ലപ്പെട്ടു
ലഹരി മരുന്ന് വാങ്ങാന്‍ കുഞ്ഞിനെ വിറ്റു; ദമ്പതികള്‍ അറസ്റ്റില്‍
