Gulf
അബുദാബിയില്‍ ടാക്‌സി നിരക്ക് കൂടും
അബുദാബി: അബുദാബിയില്‍ ടാക്‌സി നിരക്ക് കൂടും. ടാക്‌സി വാഹനങ്ങളിലെ മീറ്റര്‍ തോതില്‍ മാറ്റം വരുത്താന്‍ അബുദാബി എക്‌സിക്യൂട്ടീവ് കൗണ്‍സില്‍ അംഗീകാരം നല്‍കി. ഭേദഗതി അനുസരിച്ച് അഞ്ചു ദിര്‍ഹം ആയിരിക്കും പകല്‍ യാത്രക്കുള്ള എറ്റവും ചുരുങ്ങിയ നിരക്ക്.
രാത്രികാല യാത്രക്ക് അഞ്ചര ദിര്‍ഹമായിരിക്കും കുറഞ്ഞ നിരക്ക്. രാവിലെ ആറ് മുതല്‍ 10 വരേ പകല്‍ നിരക്കില്‍ യാത്ര ചെയ്യാനാകും. രാത്രി പത്തിനു ശേഷം പുലര്‍ച്ചെ ആറ് വരേയുള്ള യാത്രക്കാണ് നിരക്ക് കൂടുതല്‍ നല്‍കേണ്ടി വരിക.
രാപ്പകല്‍ വ്യത്യാസമില്ലാതെ ഒരോ കിലോമീറ്റര്‍ സര്‍വീസിനും ഒരു ദിര്‍ഹമും 82 ഫില്‍സും നല്‍കേണ്ട വിധത്തിലാണ് മീറ്ററുകള്‍ പുനഃക്രമീകരിക്കുക. വാഹനം കാത്തുനില്‍ക്കുന്ന ഒരോ മിനിറ്റിനും 50 ഫില്‍സ് ഈടാക്കും
വിമാനത്താവള ടാക്‌സികളുടെ ചാര്‍ജും വര്‍ധിപ്പിച്ചിട്ടുണ്ട്. വാനുകള്‍ക്കു 25 ദിര്‍ഹവും ലഘുവാഹനങ്ങള്‍ക്ക് 20 ദിര്‍ഹവുമായിരിക്കും എറ്റവും ചുരുങ്ങിയ യാത്രാ നിരക്കെന്നു എക്‌സിക്യൂട്ടീവ് കൗണ്‍സില്‍ ജനറല്‍ സെക്രട്ടറി ഡോ. അഹ്മദ് മുബാറക് അല്‍ മസ്‌റൂഇ അറിയിച്ചു.
Latest
ദുബൈയില്‍ കരാര്‍ മേഖലക്ക് പുതിയ നിയമം; നഗരവികസന, സാമ്പത്തിക വളര്‍ച്ചക്കായി വ്യക്തമായ ചട്ടക്കൂട് രൂപപ്പെടുത്തുക ലക്ഷ്യം
ഹൃദയാഘാതത്തെ തുടര്‍ന്ന് യുവാവ് റോഡില്‍ കുഴഞ്ഞുവീണു; യാദൃച്ഛികമായി എത്തിയ ഡോക്ടര്‍ രക്ഷകനായി
മണ്ണാര്‍ക്കാട് സി പി എം ഏരിയാ കമ്മിറ്റി ഓഫീസിനു നേരെ പടക്കമേറ്; സി പി എം പ്രവര്‍ത്തകന്‍ അറസ്റ്റില്‍
അല്‍ നഹ്ദയില്‍ മലയാളി യുവതിയും കുഞ്ഞും മരിച്ച സംഭവം: ഫോറന്‍സിക് റിപോര്‍ട്ട് പുറത്ത്
യോഗ്യതയില്ലാത്ത വിദേശ നിക്ഷേപകര്‍ക്ക് ക്രെഡിറ്റ് സൂയിസ് ബോണ്ടുകള്‍ വിറ്റു; എച്ച് ഡി എഫ് സി ബേങ്കിനെതിരെ ഇന്ത്യയില്‍ അന്വേഷണം
കീം: പുതുക്കിയ റാങ്ക് പട്ടികയ്‌ക്കെതിരെ കേരള സിലബസ് വിദ്യാര്‍ഥികള്‍ സുപ്രീം കോടതിയിലേക്ക്
