Sports
ചരിത്ര വിജയത്തില്‍ മെസിക്കൊരു പങ്കുമില്ല !
പാരിസ്: പി എസ് ജിക്കെതിരെ ബാഴ്‌സലോണ ചരിത്ര വിജയം നേടിയ മത്സരത്തില്‍ മെസിയുടെ പ്രകടനം ദയനീയമായിരുന്നുവെന്ന് മുന്‍ ഫ്രഞ്ച് കോച്ച് റെയ്മന്‍ഡ് ഡൊമിനികെയുടെ വിമര്‍ശം. ബാഴ്‌സ നിരയിലെ ഏറ്റവും മോശം പ്ലെയര്‍ മെസിയാണെന്ന് പറയാം. നെയ്മറും സുവാരസുമാണ് ബാഴ്‌സക്ക് ഊര്‍ജം പകര്‍ന്നത്. നാല് ഗോളുകള്‍ക്ക് പിറകില്‍ നില്‍ക്കുമ്പോള്‍ മെസി ഗ്രൗണ്ടിന്റെ മധ്യഭാഗത്ത് കാഴ്ചക്കാരനായി നില്‍ക്കുകയായിരുന്നു.
പന്ത് പിടിച്ചെടുത്തും പാസിംഗ് നല്‍കിയും ഓടിക്കളിക്കേണ്ട നിര്‍ണായക ഘട്ടമായിരുന്നു അത്.
എന്നാല്‍ നിരാശനായി നില്‍ക്കുകയായിരുന്നു മെസി. ടീമിനെ ഒന്നടങ്കം സ്വാധീനിക്കാന്‍ പോന്ന സൂപ്പര്‍ താരം നിരാശനായി മാറിയത് അത്ഭുതപ്പെടുത്തി. നെയ്മര്‍ പക്ഷേ ആത്മവിശ്വാസത്തോടെ പൊരുതി. അവസാന സെക്കന്‍ഡ് വരെ നെയ്മര്‍ അറ്റാക്ക് ചെയ്തു. സുവാരസും അതു പോലെ തന്നെ. പലപ്പോഴും സുവാരസ് പോലെയായിരുന്നു- ഡൊമിനികെ പറഞ്ഞു.
അഞ്ച് തവണ ബാലണ്‍ദ്യോര്‍ പുരസ്‌കാരം നേടിയ മെസി നടപ്പ് സീസണിലും ഗോളടിയില്‍ മുന്നിലാണ്. വിവിധ ചാമ്പ്യന്‍ഷിപ്പുകളിലായി 38 മത്സരങ്ങളില്‍ 39 ഗോളുകള്‍ മെസി നേടിയിട്ടുണ്ട്. വിമര്‍ശകരുടെ വായടപ്പിച്ച് മെസി തിരിച്ചുവരവ് നടത്തുമെന്ന പ്രതീക്ഷയിലാണ് ബാഴ്‌സ ആരാധകവൃന്ദം.
Latest
ജാമിഅതുല്‍ ഹിന്ദ് ബിരുദദാന സമ്മേളനത്തിന് ഇന്ന് തുടക്കം
ഹരിയാന തിരഞ്ഞെടുപ്പ്: വോട്ട് വെട്ടല്‍ വ്യാപകം
മതപരിവര്‍ത്തന ആരോപണം; മധ്യപ്രദേശില്‍ അറസ്റ്റിലായ മലയാളി വൈദികന് ജാമ്യം
സ്‌കൂള്‍ ഗ്രൗണ്ടില്‍ കളിച്ചുകൊണ്ടിരുന്ന കുട്ടികള്‍ക്കിടയിലേക്ക് കാറോടിച്ചു കയറ്റിയ സംഭവം; പതിനാറുകാരനെതിരെ കേസ്
തിരുവനന്തപുരം കോര്‍പറേഷന്‍: മൂന്നാംഘട്ട സ്ഥാനാര്‍ഥി പട്ടിക പ്രഖ്യാപിച്ച് കോണ്‍ഗ്രസ്സ്
ശബരിമല സ്വര്‍ണക്കൊള്ള: മുന്‍ തിരുവാഭരണ കമ്മീഷണര്‍ കെ എസ് ബൈജു അറസ്റ്റില്‍
