Kerala
ശബരിമല സന്ദര്‍ശനം: മതസൗഹാര്‍ദം ശക്തിപ്പെടുന്നതില്‍ മുരളീധരന് ആശങ്കയെന്ന് കെ ടി ജലീല്‍
തിരുവനന്തപുരം: ശബരിമല സന്ദര്‍ശനവുമായി ബന്ധപ്പെട്ട് പരിഹാസമുയര്‍ത്തി ഫേസ്ബുക്ക് പോസ്റ്റിട്ട ബി ജെ പി മുന്‍ അധ്യക്ഷന്‍ വി മുരളീധരന് മറുപടിയുമായി മന്ത്രി കെ ടി ജലീല്‍. മതസൗഹാര്‍ദം വര്‍ധിക്കുന്നതില്‍ ആശങ്കപ്പെടുന്നതിനാലാണ് മുരളീധരന് തനിക്കെതിരെ വിമര്‍ശവുമായി രംഗത്തെത്തിയതെന്ന് ജലീല്‍ പ്രതികരിച്ചു. ശബരിമലയില്‍ ഏതു മതസ്ഥര്‍ക്കും പോകാം. മതസൗഹാര്‍ദത്തിന്റെ ഉദാഹരണമായ ശബരിമലയെക്കുറിച്ച് ലോകമറിയുന്നതില്‍ മുരളീധരനെപ്പോലെയുള്ളവര്‍ ആശങ്കപ്പെടുന്നുണ്ട്. സുവര്‍ണക്ഷേത്രത്തില്‍ പോയപ്പോള്‍ ലഭിച്ച അതേ അനുഭവമാണ് തനിക്ക് ശബരിമലയിലും ലഭിച്ചത്. ഇന്നലെകളില്‍ രാജ്യത്തുണ്ടായിരുന്ന സൗഹാര്‍ദ അന്തരീക്ഷം എന്താണെന്ന് ശബരിമലയില്‍ നിന്ന് മനസ്സിലാക്കാനായി. തന്നെ വിമര്‍ശിക്കുന്നവര്‍ എന്തും പറഞ്ഞോട്ടെ. എല്ലാ ജനങ്ങള്‍ക്കും അവിടെ പോകാനാകുമെന്ന് അറിയുന്നതിന് മുരളീധരന് ഭയമായിരിക്കാമെന്നും ജലീല്‍ പ്രതികരിച്ചു. ശബരിമലയെ പിക്‌നിക് സ്‌പോട്ടായി മാറ്റരുതെന്നും മുന്‍ സിമി പ്രവര്‍ത്തകനായ ജലീലിന്റെ ശബരിമല സന്ദര്‍ശനം തമാശയായി കാണുന്നുവെന്നുമായിരുന്നു മുരളീധരന്റെ ഫേസ്ബുക്ക് പോസ്റ്റ്.
Latest
ബിഹാറില്‍ ജെ ഡി യു നേതാവിനെ ബൈക്കിലെത്തിയവര്‍ വെടിവച്ചു കൊന്നു
തെരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന്‍ പുലര്‍ച്ചെ കാറിടിച്ച് മരിച്ചു
കേരളത്തില്‍ ഉയര്‍ന്ന താപനില തുടരുന്നു; പാലക്കാട് ഉഷ്ണതരംഗ മുന്നറിയിപ്പ്
കേരളത്തില്‍ ഇന്നു നിശ്ശബ്ദ പ്രചാരണം; നാളെ ബൂത്തിലേക്ക്
മതത്തിന്റെ പേരില്‍ വോട്ടു തേടല്‍; നരേന്ദ്ര മോദിക്ക് ക്ലീന്‍ ചിറ്റ് നല്‍കി തെരഞ്ഞെടുപ്പ് കമ്മീഷന്‍
ചുഴിയില്‍ കരുതല്‍;വോട്ടില്‍ കണ്ണ്‌
