Malappuram
പരീക്ഷാഭവനില്‍ വിദ്യാര്‍ഥിനിയെ നായ കടിച്ചു
തേഞ്ഞിപ്പലം: കാലിക്കറ്റ് സര്‍വ്വകലാശാല പരീക്ഷാഭവനില്‍ വച്ച് വിദ്യാര്‍ഥിനിയെ തെരുവ് നായ കടിച്ചു. വയനാട് മുട്ടില്‍ കളത്തില്‍തൊടി ആതിരക്കാണ് നായയുടെ കടിയേറ്റത്. കൈവിരലിന് സാരമായി പരുക്കേറ്റ വിദ്യാര്‍ഥിനിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചക്ക് രണ്ടോടെയാണ് സംഭവം. കല്‍പ്പറ്റ് ഗവ. കോളജിലെ മൂന്നാം വര്‍ഷ വിദ്യാര്‍ഥിനിയായ ആതിര സഹപാഠികളോടൊപ്പം എന്‍ എസ് എസ് ഗ്രേസ് മാര്‍ക്ക് ചേര്‍ക്കുന്നതിനായി എത്തിയതായിരുന്നു . ഉച്ചഭക്ഷണ സമയത്ത് പരീക്ഷാഭവനിലെ മരച്ചുവട്ടില്‍ ഇരിക്കുമ്പോള്‍ നായ കൈവിരലിന് കടിക്കുകയായിരുന്നു.
സര്‍വ്വകലാശാല ക്യാമ്പസിലെ ഹെല്‍ത്ത് സെന്ററില്‍ നിന്ന് പ്രാഥമിക ശ്രുശ്രൂഷ നല്‍കിയതിന് ശേഷം ആതിരയെ ആംബുലന്‍സില്‍ കോഴിക്കോട് മെഡിക്കല്‍ കോളജ് ആശുപത്രിയിലെത്തിച്ചു.
ദിവസങ്ങള്‍ക്ക് മുമ്പ് സര്‍വ്വകലാശാല വനിതാ ഹോസ്റ്റലില്‍ വിദ്യാര്‍ഥിനിയെ തെരുവ് നായ കടിച്ചിരുന്നു. ക്യാമ്പസിലെ തെരുവ് നായ ശല്യം പരിഹരിക്കാന്‍ സര്‍വ്വകലാശാലയുടെ ഭാഗത്ത് നിന്ന് കാര്യമായ നടപടിയുണ്ടായിട്ടില്ല. ദിനംപ്രതി ജീവനക്കാര്‍ അടക്കം നിരവധിയാളുകള്‍ എത്തുന്ന പരീക്ഷഭവനിലും ടാഗോര്‍ നികേതനിലും സര്‍വ്വകലാശാല ലൈബ്രറി പരിസരത്തും തെരുവ് നായ ശല്യം രൂക്ഷമാണ്.
Latest
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
ജനാധിപത്യത്തെ സംരക്ഷിക്കാനായി വോട്ട് രേഖപ്പെടുത്തണമെന്ന് രാഹുല്‍ ഗാന്ധി
വോട്ടിങ് യന്ത്രത്തിലെ തകരാര്‍; വയനാട്ടില്‍ അഞ്ചിടത്ത് പോളിങ് വൈകി
പത്തനംതിട്ടയില്‍ താമര ചിഹ്നത്തിന് വലിപ്പം കൂടുതലെന്ന് ആക്ഷേപം
ദല്ലാള്‍ നന്ദകുമാറിനൊപ്പം പ്രകാശ് ജാവദേക്കറെ കണ്ടിട്ടുണ്ട്; ആരോപണങ്ങള്‍ ഗൂഢാലോചന: ഇ പി ജയരാജന്‍
സ്ഥാനാര്‍ഥികളുടെ ലിസ്റ്റില്‍ ഷാഫി പറമ്പിലിന്റെ പേര് മാറിയതായി ആക്ഷേപം
