Kerala
ആനവേട്ടക്കേസില്‍ വ്യാജ മൊഴിയുണ്ടാക്കിയതായി വിജിലന്‍സ്
കൊച്ചി: ആനവേട്ടക്കേസില്‍ അന്വേഷണ ഉദ്യോഗസ്ഥനെ കുടുക്കാന്‍ വ്യാജ മൊഴിയുണ്ടാക്കിയതായി കണ്ടെത്തി. സെക്ഷന്‍ ഓഫീസര്‍ എന്‍ ശിവകുമാറിനെ കുടുക്കാന്‍ കേസില്‍ പ്രതിയായ കെ ഡി കുഞ്ഞുമോന്റെ പേരിലാണ് വ്യാജ മൊഴിയുണ്ടാക്കിയത്.
25 ആനകളെ കൊന്നു എന്ന് കുഞ്ഞുമോന്‍ മൊഴി നല്‍കിയെന്നായിരുന്നു രേഖ. ശിവകുമാറാണ് കുഞ്ഞുമോന്റെ മൊഴിയെടുത്തത് എന്നും വനംവകുപ്പിന്റെ രേഖകള്‍ പറയുന്നു. എന്നാല്‍ താന്‍ ഇങ്ങനെയൊരു മൊഴിയെടുത്തിട്ടില്ലെന്ന് ശിവകുമാര്‍ വിജിലന്‍സിന് മുന്നില്‍ വ്യക്തമാക്കി.
മൊഴിയെടുത്താല്‍ അതിനു താഴെ അന്വേഷണ ഉദ്യോഗസ്ഥന്‍ പേരും പദവിയുമെഴുതി ഒപ്പിടണം എന്നാണ് ചട്ടം. എന്നാല്‍ ഈ മൊഴിയില്‍ പേര് മാത്രമേയുള്ളൂ. മൊഴിയില്‍ രേഖപ്പെടുത്തിയ കെ ഡി കുഞ്ഞുമോന്റെ ഒപ്പും വിരലടയാളവും വ്യാജമാണെന്നും കണ്ടെത്തി.
തുടക്കം മുതല്‍ കേസ് അട്ടിമറിക്കാന്‍ വനംവകുപ്പിനുള്ളില്‍ നിന്ന് ശ്രമം നടക്കുന്നതായി ആരോപണമുണ്ടായിരുന്നു. ഈ വ്യാജമൊഴിയും അതിന്റെ ഭാഗമാണെന്നാണ് സൂചന. ഉദ്യോഗസ്ഥര്‍ക്കിടയിലെ ചേരിപ്പോരും വ്യാജമൊഴിക്ക് കാരണമായതായി റിപ്പോര്‍ട്ടുണ്ട്.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
