Kozhikode
ഇ-സേവനം കൂടുതല്‍ കാര്യക്ഷമമാക്കാന്‍ നിര്‍ദേശങ്ങള്‍ സമര്‍പ്പിക്കാം
കോഴിക്കോട്: സര്‍ക്കാര്‍ സേവനങ്ങള്‍ മെച്ചപ്പെട്ട രീതിയില്‍ പൊതുജനങ്ങളില്‍ എത്തിക്കാനുതകുന്ന മൊബൈല്‍ അപ്ലിക്കേഷനുകള്‍, ഐടി സേവനങ്ങള്‍ എന്നിവ നിര്‍ദേശിക്കാന്‍ അവസരം.
സര്‍ക്കാരുമായുള്ള ജനങ്ങളുടെ ബന്ധം കൂടുതല്‍ സജീവമാക്കാന്‍ സഹായിക്കുന്ന ഏത് മേഖലയുമായി ബന്ധപ്പെട്ട ആപ്ലിക്കേഷനുകളും ആര്‍ക്കും സമര്‍പ്പിക്കാം. ഇവയില്‍നിന്ന് തിരഞ്ഞെടുക്കപ്പെടുന്ന മികച്ച നിര്‍ദ്ദേശങ്ങള്‍ ഡിജിറ്റല്‍ ഇന്ത്യ വാരാഘോഷങ്ങളുടെ ഭാഗമായി കലക്ടറേറ്റില്‍ നടക്കുന്ന മൊബൈല്‍ അപ്ലിക്കേഷന്‍ മത്സരവിഭാഗത്തില്‍ ഉള്‍പ്പെടുത്തുമെന്ന് കലക്ടര്‍ എന്‍ പ്രശാന്ത് അറിയിച്ചു.
കൂടുതല്‍ സര്‍ക്കാര്‍ സേവനങ്ങള്‍ എളുപ്പത്തില്‍ ജനങ്ങളിലേക്ക് എത്തിക്കുന്നതോടൊപ്പം നിലവിലെ ഇ-സേവനങ്ങളെക്കുറിച്ച് പരമാവധി ജനങ്ങളെ ബോധ വത്ക്കരിക്കുകയും ചെയ്യുകയെന്ന ലക്ഷ്യത്തോടെയാണ് കേന്ദ്രസര്‍ക്കാര്‍ ഡിജിറ്റല്‍ ഇന്ത്യ വാരാഘോഷ പരിപാടികള്‍ സംഘടിപ്പിക്കുന്നത്. ഇതോടൊപ്പം ഇന്ത്യക്കകത്തും പുറത്തുമുള്ള ഐ ടി കമ്പനികളുടെ കൂടുതല്‍ നിക്ഷേപം ആകര്‍ഷിക്കുകയും ഐ ടി രംഗത്ത് കൂടുതല്‍ തൊഴിലവസരങ്ങള്‍ സൃഷ്ടിക്കുകയും പരിപാടിയുടെ ലക്ഷ്യമാണ്.
ഒന്നിന് ഡിജിറ്റല്‍ വാരാചരണത്തിന്റെ ദേശീയതല ഉദ്ഘാടനത്തോടനുബന്ധിച്ച് ഡിജിറ്റല്‍ ലോക്കര്‍ സിസ്റ്റം, വിവിധ ഇ-വിദ്യാഭ്യാസ, ഇ-ആരോഗ്യ പദ്ധതികള്‍ തുടങ്ങിയവയുടെ ഉദ്ഘാടവും പ്രധാനമന്ത്രി നരേന്ദ്ര മോദി നിര്‍വഹിക്കും. ആറിനാണ് കലക്ടറേറ്റില്‍ ഡിജിറ്റല്‍ ഇന്ത്യ വാരാഘോഷത്തിന്റെ ജില്ലാ തല ഉദ്ഘാടനം നടക്കുക.
Latest
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
പോളിംഗ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തില്‍ നടപടി ; താലൂക്ക് ഓഫീസ് ജീവനക്കാരന് സസ്‌പെന്‍ഷന്‍
