Gulf
'ഡ്രൈവിംഗ് മെച്ചപ്പെടുത്തി, കറുത്ത പോയിന്റ് ഒഴിവാക്കുക'
അബുദാബി: യു എ ഇ ഉപ പ്രധാനമന്ത്രിയും ആഭ്യന്തര മന്ത്രിയുമായ ശൈഖ് സൈഫ് ബിന്‍ സായിദ് അല്‍ നഹ്‌യാന്റെ ഓഫീസുമായി സഹകരിച്ച് അല്‍ ഐന്‍ പോലീസ് ഡയറക്ടറേറ്റ് സംഘടിപ്പിക്കുന്ന “ഡ്രൈവിംഗ് മെച്ചപ്പെടുത്തുക കറുത്തപോയിന്റ് ഒഴിവാക്കുക” ട്രാഫിക് ബോധവത്കരണ ക്യാമ്പയിന് തുടക്കമായി. കഴിഞ്ഞ ദിവസം അല്‍ ഐന്‍ തവാം ആശുപത്രിയില്‍ നടന്ന ഏകദിന ബോധവത്കരണ പരിപാടിയോടു കൂടിയാണ് ക്യാമ്പയിന് തുടക്കം കുറിച്ചത്. ട്രാഫിക് ലംഘനങ്ങള്‍, കറുത്ത പോയിന്റുകള്‍, അപകട സാധ്യതകള്‍ എന്നിവ വിശദമാക്കുന്ന ലഘുലേഖകള്‍ വിതരണം ചെയ്തു.
അബുദാബി, അല്‍ ഐന്‍ നഗരത്തിലെ സര്‍ക്കാര്‍ സ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍ എന്നിവ കേന്ദ്രീകരിച്ചാണ് ബോധവത്കരണ ക്യാമ്പയിന് സംഘടിപ്പിച്ചിട്ടുള്ളത്.
കറുത്ത പോയിന്റുകള്‍ ലഭിച്ചവര്‍ക്ക് അത് ഒഴിവാക്കി എങ്ങനെ ലൈസന്‍സ് വീണ്ടെടുക്കാം എന്നത് സംബന്ധിച്ച് ട്രാഫിക് വിഭാഗം ഉദ്യോഗസ്ഥര്‍ വിശദീകരിച്ചു. ട്രാഫിക് നിയമ ലംഘനങ്ങള്‍ സംബന്ധിച്ചും ലൈസന്‍സ് സംബന്ധിച്ചും സംശയമുള്ളവര്‍ക്ക് 600566006 എന്ന ടോള്‍ഫ്രീ നമ്പറില്‍ ബന്ധപ്പെടാവുന്നതാണെന്ന് ട്രാഫിക് ഫോളോ അപ് വകുപ്പ് തലവന്‍ കേണല്‍ സൈഫ് ഉബൈദ് അല്‍ ഖയാലി വ്യക്തമാക്കി. ട്രാഫിക് അപകടങ്ങളെക്കുറിച്ച് വിദ്യാഭ്യാസ പുനരധിവാസ കോഴ്‌സുകള്‍ വിദ്യാലയങ്ങള്‍ കേന്ദ്രീകരിച്ച് തുടങ്ങുമെന്നും അദ്ദേഹം വ്യക്തമാക്കി.
Latest
'തന്റേത് പ്രൊഫഷണല്‍ സൂയിസൈഡ്; പ്രതിസന്ധിയുണ്ടാക്കിയത് ഉദ്യോഗസ്ഥര്‍, മുഖ്യമന്ത്രി ഗുരുനാഥനാണ്'
ഈ മാസം മുതല്‍ സപ്ലൈകോ കെ റൈസ് എട്ട് കിലോ വീതം വിതരണം ചെയ്യും
സംസ്ഥാനത്ത് ഇന്ന് മുതല്‍ മഴ വീണ്ടും ശക്തമാകും; മൂന്ന് ജില്ലകളില്‍ യെല്ലോ അലര്‍ട്ട്
ഗസയില്‍ 60 ദിവസത്തെ വെടിനിര്‍ത്തലെന്ന് ട്രംപ്; ഇസ്‌റാഈല്‍ സമ്മതിച്ചതായും അവകാശവാദം
ഇസ്‌റാഈലിലേക്ക് മിസൈല്‍ വര്‍ഷിച്ച് യെമന്‍;നിരവധിയിടങ്ങളില്‍ സൈറന്‍ മുഴങ്ങി
കേരളത്തില്‍ തീവ്രവാദ ഗ്രൂപ്പുകള്‍ വളരുന്നതായി തോന്നിയിട്ടില്ല:ഡി ജി പി
