Ongoing News
സമ്മേളനത്തിന് അഞ്ച് ലക്ഷം നാളികേരം; ഉണര്‍ത്തുജാഥ 20ന്
എടരിക്കോട്(താജുല്‍ ഉലമാനഗര്‍): എസ് വൈ എസ് അറുപതാം വാര്‍ഷിക സമ്മേളനത്തിന് അഞ്ച് ലക്ഷം നാളികേരം സമാഹരിക്കും. സംസ്ഥാനത്തെ ആറായിരത്തോളം യൂനിറ്റുകളില്‍ നിന്നുള്ള പ്രവര്‍ത്തകരാണ് ഐതിഹാസിക സംഗമത്തിലേക്ക് ആവശ്യമായ വിഭവങ്ങള്‍ ശേഖരിക്കുന്നത്. ഏറെ ആവേശത്തോടെയാണ് വിഭവ സമാഹരണം പ്രവര്‍ത്തകര്‍ ഏറ്റെടുത്ത് പൂര്‍ത്തിയാക്കിയത്. യൂനിറ്റുകളില്‍ നിന്ന് ശേഖരിച്ച നാളികേരം സര്‍ക്കിള്‍ കമ്മിറ്റികള്‍ മുഖേന സോണ്‍ ഭാരവാഹികള്‍ ഏറ്റുവാങ്ങും. സംഘകുടുംബത്തിലെ മുഴുവന്‍ പ്രവര്‍ത്തകരുടെയും പങ്കാളിത്തം വൈവിധ്യമാര്‍ന്ന പദ്ധതികളിലൂടെ അറുപതാം വാര്‍ഷിക സമ്മേളനത്തിന് ഉപയോഗപ്പെടുത്തുകയാണ് ഇതിലൂടെ ലക്ഷ്യമിടുന്നത്.
സമ്മേളനത്തിലേക്ക് ആവശ്യമായ ചായപ്പൊടി തമിഴ്‌നാട്ടിലെ നീലിഗിരി ജില്ലയിലെ തേയില കര്‍ഷകരാണ് നല്‍കുന്നത്. പ്രചാരണങ്ങള്‍ അവസാന ഘട്ടത്തിലേക്ക് നീങ്ങുമ്പോള്‍ നാടും നഗരവും സമ്മേളനച്ചൂടിലേക്ക് നീങ്ങിക്കഴിഞ്ഞു. ഈ മാസം 20ന് ഉണര്‍ത്തു ദിനമായാണ് എസ് വൈ എസ് ആചരിക്കുന്നത്. വെള്ളിയാഴ്ച ജുമുഅ നിസ്‌കാര ശേഷം പള്ളികളില്‍ പ്രഭാഷണം, ലഘുലേഖ വിതരണം, യൂനിറ്റുകളില്‍ പ്രകടനം തുടങ്ങിയവ നടക്കും.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
