National
കാശ്മീരില്‍ തിരക്കിട്ട് സര്‍ക്കാര്‍ രൂപീകരിക്കില്ലെന്ന് പിഡിപി
ശ്രീനഗര്‍: ജമ്മു കാശ്മീരില്‍ തിരക്കിട്ട് സര്‍ക്കാര്‍ രൂപീകരിക്കില്ലെന്ന് പിഡിപി. കാശ്മീര്‍ വികസനവും സ്ഥിരതയും മുന്നില്‍കണ്ടാവും മറ്റുപാര്‍ട്ടികളുമായി സഖ്യ ഉണ്ടാക്കുകയെന്ന് പിഡിപി നേതാവ് മെഹബൂബ മുഫ്തി പറഞ്ഞു. ജമ്മു കാശ്മീര്‍ ഗവര്‍ണര്‍ എന്‍ എന്‍ വോഹ്‌റയുമായി നടത്തിയ കൂടിക്കാഴ്ചയ്ക്ക് ശേഷം സംസാരിക്കുകയായിരുന്നു മെഹബൂബ.
സര്‍ക്കാര്‍ രൂപീകരണം സംബന്ധിച്ച് അറിയിക്കാന്‍ നാളെവരെയാണ് ഗവര്‍ണര്‍ സമയം അനുവദിച്ചിട്ടുള്ളത്.
പിഡിപി കോണ്‍ഗ്രസുമായും നാഷനല്‍ കോണ്‍ഫറന്‍സുമായും ചേര്‍ന്ന് സര്‍ക്കാര്‍ രൂപീകരിക്കുമെന്ന് റിപ്പോര്‍ട്ടുകളുണ്ട്. മൂന്ന് പാര്‍ട്ടികളും ചേര്‍ന്നുള്ള വിശാല സഖ്യം സര്‍ക്കാര്‍ രൂപീകരിക്കാന്‍ തന്നെയാണ് ഏറ്റവും കൂടുതല്‍ സാധ്യത കല്‍പ്പിക്കപ്പെടുന്നത്. എന്നാല്‍ വിശാല സഖ്യം രൂപീകരിക്കുന്നതിനെതിരെ ബിജെപി രംഗത്തെത്തി. ജനങ്ങളോടുള്ള വഞ്ചനയാണ് വിശാല സഖ്യം രൂപീകരിക്കലെന്ന് ബിജെപി നേതാവ് ജുഗല്‍ കിഷോര്‍ ഇന്നലെ പറഞ്ഞിരുന്നു.
പിഡിപിയും ബിജെപിയും ചേര്‍ന്നുള്ള സര്‍ക്കാര്‍ രൂപീകരിക്കും എന്നായിരുന്നു ആദ്യ റിപ്പോര്‍ട്ടുകള്‍. പിഡിപിക്ക് പിന്തുണ നല്‍കുന്നതിന് ബിജെപി ഉപമുഖ്യമന്ത്രിസ്ഥാനം ചോദിച്ചിട്ടുണ്ടെന്നും സൂചനയുണ്ട്. 87 അംഗ നിയമസഭയില്‍ 28 സീറ്റുമായി പിഡിപിയാണ് ഏറ്റവും വലിയ ഒറ്റകക്ഷി.
Latest
കോഴിക്കോട് മുതുകാട് നേരിയ ഭൂചലനം
ലോകകപ്പ് താരം രേണുക സിംഗ് താക്കൂറിന് ഒരു കോടി രൂപ പാരിതോഷികം പ്രഖ്യാപിച്ച് ഹിമാചല്‍ സർക്കാർ
കമ്മ്യൂണിസ്റ്റ് നേതാക്കള്‍ക്ക് സാധാരണ നേരിടേണ്ടി വന്ന ദുരാരോപണങ്ങള്‍ ജയരാജനും നേരിടേണ്ടി വന്നു: പിണറായി
സമസ്ത സെൻ്റിനറി: എസ് എസ് എഫ് രാജ്യത്ത് 10,000 മോഡൽ വില്ലേജുകൾ സമർപ്പിക്കും
'പാകിസ്താൻ ഉൾപ്പെടെ രാജ്യങ്ങൾ ആണവ പരീക്ഷണം നടത്തുന്നു'; യു എസ് പരീക്ഷണം പുനരാരംഭിക്കുന്നതിനെ ന്യായീകരിച്ച് ട്രംപ്
സോനക്ക് മികച്ച ചികിത്സ ഉറപ്പാക്കും; മെഡിക്കല്‍ ബോര്‍ഡ് രൂപീകരിക്കാന്‍ മന്ത്രി വീണാ ജോര്‍ജ് നിര്‍ദ്ദേശം നല്‍കി
