Techno
ഇയര്‍ ഇന്‍ റിവ്യൂ: വിഷമിപ്പിച്ചെങ്കില്‍ മാപ്പാക്കണമെന്ന് ഫെയ്‌സ്ബുക്ക്
വര്‍ഷാവസാനത്തോട് അനുബന്ധിച്ച് ഫെയ്‌സ്ബുക്ക് അവതരിപ്പിച്ച “ഇയര്‍ ഇന്‍ റിവ്യൂ” വിഷമിപ്പിച്ചെങ്കില്‍ മാപ്പാക്കണമെന്ന് ഫെയ്‌സ്ബുക്ക് അധികൃതര്‍. 2014ല്‍ ഉപയോക്താക്കള്‍ ഫെയ്‌സ്ബുക്കില്‍ പോസ്റ്റ് ചെയ്ത ഫോട്ടോകളില്‍ ചിലതാണ് ഇയര്‍ ഇന്‍ റിവ്യൂ എന്നപേരില്‍ ഫെയ്‌സ്ബുക്ക് തയ്യാറാക്കിയത്. ഉപയോക്താക്കളുടെ വാര്‍ഷിക അവലോകനം എന്ന നിലക്കാണ് ഫെയ്‌സ്ബുക്ക് ഇയര്‍ ഇന്‍ റിവ്യൂ അവതരിപ്പിച്ചത്.
പലര്‍ക്കും ഇയര്‍ ഇന്‍ റിവ്യൂ സന്തോഷം പകര്‍ന്നെങ്കിലും മറക്കാനാഗ്രഹിക്കുന്ന കാര്യങ്ങള്‍ വീണ്ടും ഓര്‍മിപ്പിച്ചത് ചിലരെ വിഷമിപ്പിച്ചു. നഷ്ടപ്പെട്ട പ്രിയപ്പെട്ടവരുടെ ഓര്‍മകള്‍ പലരിലും വേദനയുണ്ടാക്കി. വെബ്ഡിസൈനറും എഴുത്തുകാരനുമായ എറിക് മേയര്‍ക്ക് ഇയര്‍ ഇന്‍ റിവ്യൂ നല്‍കിയത് ബ്രെയിന്‍ കാന്‍സര്‍ ബാധിച്ച് മരണപ്പെട്ട മകളുടെ ഓര്‍മകളായിരുന്നു. ഇതിനെ വിമര്‍ശിച്ച് അദ്ദേഹം ലേഖനമെഴുതിയിരുന്നു. ഇത് ശ്രദ്ധയില്‍ പെട്ടതിനെ തുടര്‍ന്നാണ് ഫെയ്‌സ്ബുക്ക് അധികൃതര്‍ ക്ഷമാപണം നടത്തിയത്.
Latest
ബെംഗളൂരു ജയിച്ചു
ഇ കെ നേതൃത്വത്തിന്റെ നിര്ദേശം ലംഘിച്ച് ബഹാഉദ്ദീന് നദ്വി
മാലിന്യമുക്ത തിരഞ്ഞെടുപ്പ് പ്രാവര്ത്തികമാക്കാന് കേരളം
പുഴയിലെ മലിന ജലത്തില് മുങ്ങിക്കുളിച്ച് സ്ഥാനാര്ഥി
സൈക്കിൾ കോട്ട തിരിച്ചുപിടിക്കുക ദൗത്യം
ഇ പി ജയരാജന് ബി ജെ പിയിലേക്ക് പോകാന് ചര്ച്ച നടത്തി: കെ സുധാകരന്
