Kerala
21 ഫോര്‍ സ്റ്റാര്‍ ബാറുകള്‍ക്ക് പ്രവര്‍ത്തനാനുമതി
കൊച്ചി: സംസ്ഥാനത്ത് 21 ഫോര്‍ സ്റ്റാര്‍ ബാറുകള്‍ക്ക് കൂടി പ്രവര്‍ത്തനാനുമതി നല്‍കാന്‍ ഹൈക്കോടതി ഉത്തരവിട്ടു. ഹോട്ടല്‍ ഉടമകള്‍ സമര്‍പ്പിച്ചിട്ടുള്ള ലൈസന്‍സ് അപേക്ഷകള്‍ പരിശോധിച്ച് രണ്ട് മാസത്തിനകം ഉത്തരവ് പുറപ്പെടുവിക്കാനാണ് ജസ്റ്റിസ് കെ സുരേന്ദ്ര മോഹന്‍ എക്‌സൈസ് കമ്മീഷണര്‍ക്ക് നിര്‍ദേശം നല്‍കിയത്. ഫോര്‍ സ്റ്റാര്‍, ഹെറിറ്റേജ് ഹോട്ടലുകള്‍ക്ക് ബാര്‍ ലൈസന്‍സ് പുതുക്കി നല്‍കണമെന്ന് ഹൈക്കോടതി സിംഗിള്‍ ബഞ്ച് നേരത്തെ ഉത്തരവ് പുറപ്പെടുവിച്ച പശ്ചാത്തലത്തിലാണ് കോടതി നടപടി.
സിംഗിള്‍ ബഞ്ചിന്റെ വിധി സ്റ്റേ ചെയ്യണമെന്ന സര്‍ക്കാര്‍ ആവശ്യം ഡിവിഷന്‍ ബഞ്ച് നേരത്തെ നിരസിച്ചിരുന്നു. സിംഗിള്‍ ബഞ്ച് വിധി ഉണ്ടായിട്ടും ബാര്‍ ലൈസന്‍സ് അപേക്ഷകള്‍ സ്വീകരിക്കുന്നില്ലെന്ന് പരാതിപ്പെട്ടാണ് ഉടമകള്‍ കോടതിയെ സമീപിച്ചത്. നിലവാരമുയര്‍ത്തി ഫോര്‍ സ്റ്റാര്‍ ആക്കിയവയും പുതിയ ഹോട്ടലുകളുമാണ് ഹരജി നല്‍കിയത്. നിലവില്‍ ബിയര്‍, വൈന്‍ പാര്‍ലറുകള്‍ ഉള്ള ഹോട്ടലുകളും കോടതിയെ സമീപിച്ച ഹരജിക്കാരില്‍ ഉള്‍പ്പെടും.
തദ്ദേശ സ്ഥാപനങ്ങളുടെ എന്‍ ഒ സി അടക്കമുണ്ടായിട്ടും ലൈസന്‍സ് അപേക്ഷകള്‍ പരിഗണിക്കുന്നില്ലെന്നും പുതിയ അപേക്ഷകള്‍ സ്വീകരിക്കുന്നില്ലെന്നും ചൂണ്ടിക്കാട്ടിയായിരുന്നു ഹരജികള്‍. ഫോര്‍ സ്റ്റാര്‍ ബാറുകള്‍ക്ക് ലൈസന്‍സ് നല്‍കാനുള്ള സിംഗിള്‍ ബഞ്ച് വിധിക്കെതിരെ സര്‍ക്കാര്‍ സമര്‍പ്പിച്ച അപ്പീല്‍ ഡിവിഷന്‍ ബഞ്ചിന്റെ പരിഗണനയിലാണെന്നായിരുന്നു സര്‍ക്കാര്‍ വിശദീകരണം.
Latest
ജെപി നദ്ദ അഞ്ചു ബാഗുകളില്‍ പണം കൊണ്ടുവന്നു; ആരോപണവുമായി തേജസ്വി യാദവ്
സംസ്ഥാനത്ത് സ്വര്‍ണവില കുറഞ്ഞു
കൊച്ചി വാട്ടര്‍ മെട്രോക്ക് ഇന്ന് ഒന്നാം പിറന്നാള്‍; 19.72ലക്ഷം പേര്‍ സഞ്ചരിച്ചു
ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യ ചെയ്തു
കോണ്‍ഗ്രസിന്റെ പത്ര പരസ്യത്തിനെതിരെ തിരഞ്ഞെടുപ്പ് കമ്മീഷന് പരാതി നല്‍കി ബി.ജെ.പി
ആലത്തൂരില്‍ വടിവാളെന്ന് രമ്യാ ഹരിദാസ്; ബോര്‍ഡുകള്‍ അഴിച്ചുമാറ്റിയ ആയുധമെന്ന് സി പി എം
