Gulf
രാജ്യപുരോഗതിക്ക് വിദ്യാഭ്യാസമുന്നേറ്റം അനിവാര്യം: കാന്തപുരം
ദോഹ: രാജ്യത്തിന്റെ സമഗ്ര പുരോഗതിക്ക് വിദ്യാഭ്യാസ മുന്നേറ്റം അനിവാര്യമാമെന്ന് അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ലിയാര്‍.
“രാജ്യത്തോടൊപ്പം ജനങ്ങളോടൊപ്പം” എന്ന ശീര്‍ഷകത്തില്‍ ഡിസംബര്‍ 18 മുതല്‍ 21 വരെ നടക്കുന്ന മര്‍കസ് മുപ്പത്തിഏഴാം വാര്‍ഷിക സമ്മേളനത്തിന്റെ ഭാഗമായി ഐ സി സി ഹാളില്‍ നടന്ന മിഡില്‍ ഈസ്റ്റ് തല പ്രചാരണ ക്യാമ്പയിനിന്റെ സമാപനത്തില്‍ മുഖ്യപ്രാഭാഷണം നടത്തുകയായിരുന്നു അദ്ദേഹം.
കഴിഞ്ഞ വാരം മക്കയിലെ വിശുദ്ധ കഅബയില്‍ നിന്നാരംഭിച്ച് സൗദിയിലെ വിവിധ പ്രദേശങ്ങള്‍, കുവൈത്ത്, ബഹ്‌റൈന്‍, ദുബൈ, ഷാര്‍ജ, അബൂദബി, മസ്‌ക്കത്ത്, സോഹാര്‍, സലാല, സൂര്‍ എന്നിവിടങ്ങളിലെ പര്യടനങ്ങള്‍ക്ക് ശേഷമാണ് ക്യാമ്പയിന്‍ ദോഹയില്‍ സമാപിക്കുന്നത്.
ഏതൊരു സമൂഹത്തിന്റെയും അരക്ഷിത ബോധം മാറ്റി അനിവാര്യമായ സുരക്ഷിതബോധം കൈവരുത്തുന്നതില്‍ വിദ്യാഭ്യാസം വഹിക്കുന്ന പങ്ക് വളരെ വലുതാണ്. മര്‍കസ് ഈ രംഗത്ത് വലിയ ദൗത്യങ്ങളാണ് ഏറ്റെടുത്തു നിര്‍വ്വഹിച്ചു കൊണ്ടിരിക്കുന്നത്.
ഐ സി എഫ് ഖത്തര്‍ നാഷനല്‍ പ്രസിഡന്റ് പറവണ്ണ അബ്ദുര്‍റസാഖ് മുസ്‌ലിയാരുടെ അധ്യക്ഷതയില്‍ മര്‍കസ് ഡയറക്ടര്‍ ഡോ.അബ്ദുല്‍ ഹകീം അസ്ഹരി ഉദ്ഘാടനം ചെയ്തു. അബ്ദുര്‍റഹ്മാന്‍ മദനി പ്രാര്‍ഥന നിര്‍വഹിച്ചു. സയ്യിദ് സഖാഫ് തങ്ങള്‍, ക്വാളിറ്റി ഗ്രൂപ്പ് എം ഡി ശംസുദ്ധീന്‍ ഒളകര, എബ്ള്‍ ഗ്രൂപ്പ് എം ഡി സിദ്ധീഖ് പുറായില്‍ സംബന്ധിച്ചു.
Latest
പീച്ചി പോലീസ് മര്‍ദനം: എസ് എച്ച് ഒ. പി എം രതീഷിന് സസ്‌പെന്‍ഷന്‍
മുന്‍ പഞ്ചായത്ത് പ്രസിഡന്റിന്റെ പേര് വോട്ടര്‍പട്ടികയില്‍ നിന്നും വെട്ടിമാറ്റിയ സംഭവം; നടപടി റദ്ദ് ചെയ്ത് ജോയിന്റ് ഡയറക്ടര്‍
കര്‍ണാടക മാലൂരു മണ്ഡലത്തിലെ തിരഞ്ഞെടുപ്പ് ഹൈക്കോടതി അസാധുവാക്കി; കോണ്‍ഗ്രസ്സിന് തിരിച്ചടി
ഗസ്സായിലെ കുട്ടികള്‍ക്കും ഫലസ്തീനുമൊപ്പം; ലീലാവതി ടീച്ചര്‍ക്ക് ഐക്യദാര്‍ഢ്യവുമായി മന്ത്രി പി രാജീവ്
ലീലാവതി ടീച്ചറുടേത് മനുഷ്യസ്‌നേഹിയുടെ ഹൃദയത്തില്‍ നിന്ന് വന്ന വാക്കുകള്‍; സൈബര്‍ ആക്രമണത്തെ അപലപിച്ച് മന്ത്രി ശിവന്‍കുട്ടി
'കുഞ്ഞുങ്ങളെല്ലാം തനിക്ക് ഒരുപോലെ, എതിര്‍ക്കുന്നവര്‍ എതിര്‍ക്കട്ടെ'; സൈബര്‍ ആക്രമണങ്ങളോട് പ്രതികരിച്ച് പ്രൊഫ. എം ലീലാവതി
