Gulf
അബുദാബിയില്‍ പുതിയ ഗതാഗത സിഗ്‌നല്‍ സംവിധാനം നിലവില്‍ വന്നു
അബുദാബി: അബുദാബിയില്‍ പുതിയ ഗതാഗത സിഗ്‌നല്‍ സംവിധാനം നിലവില്‍ വന്നു. പുതിയ സാങ്കേതികവിദ്യയുടെ സഹായത്തോടെ വാഹനങ്ങളുടെ വരവും എണ്ണവും ശാസ്ത്രീയമായി തിരിച്ചറിഞ്ഞ് സ്വയം ഗതാഗതനിയന്ത്രണം നടത്തുന്ന സംവിധാനമാണിത്.
വര്‍ധിച്ചുവരുന്ന ഗതാഗതക്കുരുക്ക് പരിഹരിക്കാനുള്ള അബുദാബി ഗതാഗതവിഭാഗത്തിന്റെ പ്രവര്‍ത്തനങ്ങളുടെ ഭാഗമാണിത്. അബുദാബി ഐലന്റില്‍ 44 ഇടങ്ങളിലായാണ് പുതിയ സിഗ്‌നല്‍ സംവിധാനം ഒരുക്കിയിരിക്കുന്നത്. യാസ് ഐലന്റില്‍ എട്ടും സാദിയാത്ത് ഐലന്റില്‍ നാലും സിഗ്‌നലുകള്‍ സ്ഥാപിച്ചു. ഗതാഗതക്കുരുക്ക് കുറയ്ക്കുക, പ്രധാന കവലകളില്‍ വാഹനങ്ങള്‍ കൂടുതല്‍ സമയം സിഗ്‌നല്‍ കാത്തിരിക്കുന്നത് തടയുക എന്നിവയെല്ലാമാണ് പുതിയ സിഗ്‌നല്‍ സംവിധാനത്തിലൂടെ ലക്ഷ്യമിടുന്നതെന്ന് അബുദാബി ഗതാഗതവിഭാഗം ഡയറക്ടര്‍ ജനറല്‍ ഫൈസല്‍ അഹമ്മദ് അല്‍ സുവേദി പറഞ്ഞു. പുതിയ സംവിധാനം നിലവില്‍ വന്നതോടെ അബുദാബിയില്‍ തിരക്കേറിയ സമയങ്ങളിലെ ഗതാഗതക്കുരുക്ക് 31 ശതമാനത്തില്‍നിന്ന് 6 ശതമാനമായി കുറഞ്ഞെന്ന് ഗതാഗത വകുപ്പിലെ സാങ്കേതികവിഭാഗം ആക്ടിങ് ഡയറക്ടര്‍ ഹമദ് ആദില്‍ അല്‍ അഫീഫി വ്യക്തമാക്കി.
Latest
മാവേലിക്കര സ്വദേശി ഷാര്‍ജയില്‍ നിര്യാതനായി
സ്‌കൂട്ടറിലെത്തി സ്വര്‍ണ മാല പിടിച്ചുപറിച്ചു; റെയില്‍വെ ജീവനക്കാരനുള്‍പ്പെടെ രണ്ട് പേര്‍ പിടിയില്‍
കൊവിഡ് വാക്‌സിന്‍ എന്ന വ്യാജേന വയോധികയെ വീട്ടിലെത്തി കുത്തിവെപ്പെടുത്ത സംഭവം; പ്രതി പിടിയില്‍
നിര്‍മാണത്തിലിരിക്കുന്ന വീട്ടില്‍ അജ്ഞാതന്‍ ജീവനൊടുക്കിയ നിലയില്‍
കര്‍ണാടക മഹോത്സവം സെപ്റ്റംബര്‍ 8ന് ദുബൈയില്‍
തോല്‍പ്പെട്ടിയില്‍ വന്‍ എംഡിഎംഎ വേട്ട; രണ്ട് കര്‍ണാടക സ്വദേശികള്‍ പിടിയില്‍
