Malappuram
എസ് വൈ എസ് ദഅ്‌വ പ്രഭാഷണം; ജില്ലാതല ഉദ്ഘാടനം നാളെ
മലപ്പുറം: എസ് വൈ എസ് അറുപതാം വാര്‍ഷികത്തിന്റെ ഭാഗമായുള്ള പ്രചാരണ പരിപാടികള്‍ നാടെങ്ങും ആവേശകരമായി മുന്നേറുന്നു.
സമ്മേളനം പൊതുജനങ്ങളിലെത്തിക്കുന്നതിന് വൈവിധ്യമാര്‍ന്ന പരിപാടികളാണ് സംഘടിപ്പിച്ചിട്ടുള്ളത്. ഇതിന്റെ ഭാഗമായി ഈമാസം യൂനിറ്റുകളില്‍ ദഅ്‌വ പ്രഭാഷണം നടക്കും.
ഇതിന്റെ ജില്ലാ തല ഉദ്ഘാടനം നാളെ പരപ്പനങ്ങാടി തഅ്‌ലീം ക്യാമ്പസില്‍ നടക്കും. അഹ്‌ലുസ്സുന്നയുടെ ആദര്‍ശ പ്രചരണം ലക്ഷ്യമിട്ട് നടത്തുന്ന പരിപാടിയില്‍ എസ് വൈ എസ് മലപ്പുറം ജില്ല ഉപാധ്യക്ഷന്‍ അലവി സഖാഫി കൊളത്തൂര്‍ മുഖ്യ പ്രഭാഷണം നടത്തും.
അറുപതാം വാര്‍ഷികം, മര്‍ക്കസ് 37-ാം വാര്‍ഷിക സമ്മേളനം, കുണ്ടൂര്‍ ഉസ്താദ് ഉറൂസ് തുടങ്ങിയവയെ വിശകലനം ചെയ്ത് യഥാക്രമം അബൂബക്കര്‍ മാസ്റ്റര്‍ പടിക്കല്‍, പി കെ എം സഖാഫി ഇരിങ്ങല്ലൂര്‍, അബൂബക്കര്‍ അഹ്‌സനി തെന്നല പ്രസംഗിക്കും. സമാപന പ്രാര്‍ഥനക്ക് സയ്യിദ് നൂറുദ്ദീന്‍ ജിഫ്രി തങ്ങള്‍ നേതൃത്വം നല്‍കും. നവംബര്‍, ഡിസംബര്‍ മാസങ്ങളിലായി പരിശീലനം ലഭിച്ച ഡി ആര്‍ ജിമാരുടെ നേതൃത്വത്തില്‍ എല്ലാ യൂണിറ്റുകളിലും ദഅ്‌വ പ്രഭാഷണങ്ങള്‍ നടക്കണമെന്ന് ജില്ലാ ഇ സി അറിയിച്ചു.
Latest
ആശങ്ക വേണ്ട കരുതലുണ്ട്; വില സ്ഥിരതയാണ് മുന്‍ഗണന: ലുലു ഗ്രൂപ്പ്
ദുരിതബാധിതരുടെ കണ്ണിരൊപ്പാനായി മലയാളി സന്നദ്ധ സംഘങ്ങള്‍ രംഗത്ത്
തങ്ങളെ മറന്ന നാട്ടുകാരോട് പരിഭവം പറഞ്ഞ് പ്രവാസികള്‍: പിന്തുണ അറിയിച്ച് മുഖ്യമന്ത്രി
കേരള സര്‍വകലാശാല പ്രഭാഷണം: ജോണ്‍ ബ്രിട്ടാസ് എം പിയോട് തെരഞ്ഞെടുപ്പ് കമ്മിഷന്‍ വിശദീകരണം തേടി
ജെ എസ് സിദ്ധാര്‍ത്ഥന്റെ മരണം: കേസ് സി ബി ഐ കോടതിയിലേക്ക് മാറ്റി
നവകേരള ബസ് അന്തര്‍ സംസ്ഥാന സര്‍വീസിനായി ഉപയോഗിക്കും
