Ongoing News
സിനിമാ ഡൗണ്‍ലോഡിംഗ് പിടികൂടാന്‍ സോഫ്റ്റ്‌വെയറുമായി പോലീസ്
പുതിയ സിനിമകള്‍ ഇന്റര്‍നെറ്റില്‍ നിന്ന് അനധികൃതമായി ഡൗണ്‍ലോഡ് ചെയ്യാന്‍ ശ്രമിക്കുന്നവരെ പിടികൂടാന്‍ പുതിയ സോഫ്റ്റ്‌വെയറുമായി ആന്റി പൈറസി സെല്‍ രംഗത്ത്. തിരുവനന്തപുരത്തെ ഏതാനും യുവ ഐ ടി എഞ്ചിനീയര്‍മാരുടെ കൂട്ടായ്മയായ ഹാക്ക് ലോക്ക് സൊലൂഷന്‍സ് വികസിപ്പിച്ച പൈറസി ട്രാക്കര്‍ എന്ന സോഫ്റ്റ്‌വെയര്‍ ആണ് പോലീസ് ഉപയോഗിക്കുന്നത്.
പുതിയ സിനിമകള്‍ അനുമതി കൂടാതെ ഡൗണ്‍ലോഡ് ചെയ്യാന്‍ ശ്രമിച്ചാല്‍ ഉടന്‍ ആ കമ്പ്യൂട്ടറിന്റെ ഐ പി അഡ്രസും മാക് ഐ ഡിയും സംസ്ഥാന പൊലീസിന്റെ ആന്റി പൈറസി സെല്ലില്‍ എത്തും. ഹാക്‌ലോക്കില്‍ രജിസ്റ്റര്‍ ചെയ്യുന്ന സിനിമകള്‍ക്കാണ് ഈ സംരക്ഷണം ലഭിക്കുന്നത്. ഇത്തരം സിനിമകള്‍ ഡൗണ്‍ലോഡ് ചെയ്യാന്‍ ശ്രമിച്ചാലുടന്‍ ആന്റി പൈറസി സെല്ലിന്റെ ലോഗോയോടുകൂടി താക്കീത് കിട്ടും.
സോഫ്റ്റ്‌വെയര്‍ തയാറാക്കി നാല് മാസത്തിനിടെ 4746 പേര്‍ അനധികൃതമായി സിനിമകള്‍ ഡൗണ്‍ലോഡ് ചെയ്യാന്‍ ശ്രമിച്ചതായി കണ്ടെത്തി. സെര്‍ച്ചുകളില്‍ നിന്ന് ലഭിക്കുന്ന ഐ പി അഡ്രസുകള്‍ നിരന്തരം നിരീക്ഷിച്ച് പൊലീസ് കേസെടുക്കുന്നതുള്‍പ്പെടെയുള്ള തുടര്‍ നടപടികളിലേക്ക് നീങ്ങും. പൈറസി ട്രാക്കര്‍ അധികം വൈകാതെ ആന്റി പൈറസി സെല്ലിന്റെ ഔദ്യോഗിക ആയുധമാകും.
Latest
1,20,826 വോട്ടര്‍മാര്‍ ബുത്തിലെത്തിയില്ലപത്തനംതിട്ടയില്‍ 10.89 ശതമാനം വോട്ട് കുറവ്
വിവാഹിതനാവാന്‍ നാട്ടിലേക്കു തിരിക്കാനിരുന്ന യുവാവ് ദുബൈയില്‍ ഹൃദയാഘാതം മൂലം മരിച്ചു
അവസാനം അത് സംഭവിച്ചു; വുകോമനോവിചുമായി വേര്‍പിരിഞ്ഞ് ബ്ലാസ്റ്റേഴ്‌സ്
കല്‍പ്പറ്റയില്‍ വാഹനാപകടം; യുവാവ് മരിച്ചു
യുവാവിനെ തട്ടിക്കൊണ്ടുപോയി മര്‍ദിച്ച ശേഷം ഉപേക്ഷിച്ചു; മൂന്നുപേര്‍ പോലീസ് പിടിയില്‍
സംസ്ഥാനത്ത് നീതിയുക്തമായ തിരഞ്ഞെടുപ്പ് നടന്നില്ല: വി ഡി സതീശന്‍
