National
ഇന്ത്യന്‍ മുജാഹിദീന്‍ പ്രവര്‍ത്തകന്‍ അറസ്റ്റില്‍
ന്യൂഡല്‍ഹി: ഡല്‍ഹി ജമാ മസ്ജിദ് ബോംബ് സ്‌ഫോടന കേസില്‍ പങ്കുണ്ടെന്ന് ആരോപിക്കപ്പെടുന്ന ഇന്ത്യന്‍ മുജാഹിദീന്‍ പ്രവര്‍ത്തകന്‍ അറസ്റ്റില്‍. ഇജാസ് ശൈഖ് ആണ് ഉത്തര്‍പ്രദേശിലെ സഹരാന്‍പൂര്‍ പ്രദേശത്ത് വെച്ച് അറസ്റ്റിലായത്. ഇയാളെ കോടതിയില്‍ ഹാജരാക്കി. ഡല്‍ഹി പോലീസിലെ പ്രത്യേക വിഭാഗവും ഉത്തര്‍പ്രദേശ് പോലീസും ചേര്‍ന്നാണ് വെള്ളിയാഴ്ച രാത്രി ഇജാസിനെ അറസ്റ്റ് ചെയ്തത്. ജമാ മസ്ജിദ് സ്‌ഫോടനക്കേസുമായും ജര്‍മന്‍ ബേക്കറി സ്‌ഫോടനക്കേസുമായും ഇജാസിന് ബന്ധമുണ്ടെന്നാണ് പോലീസ് പറയുന്നത്.
മൂന്ന് മാസമായി സുരക്ഷാ ഏജന്‍സികളുടെ നിരീക്ഷണത്തിലായിരുന്നു ഇജാസ്. മഹാരാഷ്ട്രയിലെ പുനെ സ്വദേശിയാണ്. ഇന്ത്യന്‍ മുജാഹിദീന്‍ പ്രവര്‍ത്തകര്‍ക്ക് വ്യാജ തിരിച്ചറിയല്‍ കാര്‍ഡുകള്‍ ഉണ്ടാക്കിക്കൊടുക്കുന്നതില്‍ വിദഗ്ധനായ ഇജാസ്, സംഘടനയിലെ സാങ്കേതിക വിദഗ്ധനായാണ് അറിയപ്പെടുന്നത്. 2010ലാണ് ജമാ മസ്ജിദില്‍ ആക്രമണമുണ്ടാകുന്നത്. ഇതുള്‍പ്പെടെ നിരവധി കേസുകളില്‍ ഇയാളെ പോലീസ് അന്വേഷിച്ചു വരികയായിരുന്നു. ഇന്ത്യന്‍ മുജാഹിദീന്‍ നേതാക്കളായ ഭട്കല്‍ സഹോദരങ്ങളുമായി ഇയാള്‍ക്ക് അടുത്ത ബന്ധമുണ്ടെന്നാണ് പോലീസ് പറയുന്നത്.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
