Gulf
ഫോക്കസ് ഇന്‍സ്റ്റിറ്റിയൂട്ട് ഈ വര്‍ഷം മുതല്‍
ദുബൈ: വിദേശ രാജ്യങ്ങളില്‍ ജോലിചെയ്യുന്ന പ്രൊഫഷണലുകളുടെ കൂട്ടായ്മയായ ഫോക്കസ് ഫൗണ്ടേഷന്റെ പ്രഥമ സംരംഭം ഫോക്കസ് ഇന്‍സ്റ്റിറ്റിയൂട്ട് ഓഫ് സയന്‍സ് ആന്റ് ടെക്‌നോളജി എഞ്ചിനീയറിംഗ് കോളജ് തൃശൂരിലെ പൂമലയില്‍ ഈ അധ്യയന വര്‍ഷം പ്രവര്‍ത്തനം ആരംഭിക്കുമെന്ന് ഡയറക്ടര്‍മാര്‍ വാര്‍ത്താ സമ്മേളനത്തില്‍ അറിയിച്ചു.
കോളജിനോട് ചേര്‍ന്ന് അടുത്ത അധ്യയന വര്‍ഷം മുതല്‍ ഫോക്കസ് ഇന്‍സ്റ്റ്റ്റിയൂട്ട് ഓഫ് ആര്‍ക്കിടെക്ചറും പ്രവര്‍ത്തനം ആരംഭിക്കും. ഗഹനമായ അക്കാദമിക് പഠനത്തിനായി വിദ്യാര്‍ഥികളെ മാനസികമായും ഭൗതികമായും ശാരീരികമായും പ്രാപ്തരാക്കുകയാണ് സ്ഥാപനങ്ങളുടെ ലക്ഷ്യം.
സിവില്‍, മെക്കാനിക്കല്‍, ഇലക്ട്രിക്കല്‍ ആന്റ് ഇലക്‌ട്രോണിക്‌സ്, ഇലക്‌ട്രോണിക്‌സ് ആന്റ് കമ്യൂണിക്കേഷന്‍, കമ്പ്യൂട്ടര്‍ സയന്‍സ് എന്നീ അഞ്ച് എന്‍ജിനീയറിംഗ് ബ്രാഞ്ചുകളില്‍ ഓരോന്നിനും 60 വീതം സീറ്റുകളാണ് നീക്കി വച്ചിരിക്കുന്നത്. 50 ശതമാനം സര്‍ക്കാര്‍ സീറ്റുകളില്‍ മെറിറ്റ് അടിസ്ഥാനത്തില്‍ കേരള സര്‍ക്കാറിന്റെ ഉപദേശ പ്രകാരവും 35 ശതമാനം മാനേജ്‌മെന്റ് സീറ്റില്‍ പ്ലസ് ടു മാര്‍ക്കിന്റെയും കേരള എന്‍ജിനീയറിംഗ് എന്‍ട്രന്‍സ് എക്‌സാമിനേഷന്‍ മാര്‍ക്കിന്റെയും അടിസ്ഥാനത്തിലും വിദ്യാര്‍ഥികളെ ചേര്‍ക്കും. ബാക്കിവരുന്ന 15 ശതമാനം എന്‍ ആര്‍ ഐ സീറ്റുകളില്‍ പ്രസ്തുത നിയമങ്ങള്‍ക്ക് വിധേയമായി വിദ്യാര്‍ഥികളെ ചേര്‍ക്കുമെന്നും ഡയറക്ടര്‍മാര്‍ അറിയിച്ചു.
ഡയറക്ടര്‍മാരായ സഹീദ് കെ കെ, മനോജ് കുമാര്‍ ഗോവന്ദ്, ജോണ്‍ ഇമ്മാനുവല്‍, അഡൈ്വസറി ബോര്‍ഡ് അംഗങ്ങളായ ശങ്കരനാരായണന്‍ പി, ജോസ് ജോര്‍ജ്ജ്, ജാബിര്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
