Kozhikode
വിദ്യാലയങ്ങള്‍ ലഹരിമുക്തമാക്കാന്‍ ഷാഡോ പോലീസ് മാതൃകയില്‍ നടപടി
കോഴിക്കോട്: സര്‍ക്കാര്‍ മാര്‍ഗനിര്‍ദേശങ്ങളുടെ അടിസ്ഥാനത്തിലുള്ള സ്‌കൂള്‍തല കമ്മിറ്റികളും ഷാഡോ പോലീസിന്റെ മാതൃകയിലുള്ള രഹസ്യനിരീക്ഷണ സംവിധാനവും ശക്തമാക്കി ജില്ലയിലെ സ്‌കൂളുകള്‍ ലഹരിമുക്തമാക്കാന്‍ കര്‍ശന നടപടി.
സ്‌കൂളുകളുടെ 100 മീറ്റര്‍ പരിധിയില്‍ ലഹരി വസ്തുക്കളുടെ വില്‍പ്പനക്കുണ്ടായിരുന്ന വിലക്ക് 500 മീറ്റര്‍ പരിധിയിലേക്ക് വ്യാപിപ്പിച്ചതുള്‍പ്പെടെയുള്ള നടപടികള്‍ കര്‍ശനമായി നടപ്പാക്കുമെന്ന് കലക്ടര്‍ പറഞ്ഞു. ലഹരിവസ്തുക്കള്‍ ഉപയോഗിക്കുകയും അത്തരം വസ്തുക്കള്‍ വിപണനം ചെയ്യുന്നവരുമായി ബന്ധപ്പെടുകയും ചെയ്യുന്ന കുട്ടികളുടെ കാര്യത്തില്‍ പരമാവധി അച്ചടക്ക- ശിക്ഷാ നടപടികള്‍ സ്വീകരിക്കും. ഇക്കാര്യത്തില്‍ കുട്ടികളെന്ന പരിഗണനയും വിട്ടുവീഴ്ചയും ഉണ്ടാകില്ല. രക്ഷിതാക്കള്‍ വിദ്യാര്‍ഥികളുടെ കൂട്ട്‌കെട്ടും പ്രവര്‍ത്തനങ്ങളും നിരീക്ഷിക്കണം. ലഹരി ഉപയോഗം സംബന്ധിച്ച വിവരങ്ങള്‍ ശ്രദ്ധയില്‍ പെട്ടിട്ടും അധികൃതരെ അറിയിക്കാത്ത സ്‌കൂളുകള്‍ക്കെതിരെയും നടപടിയുണ്ടാകും. ഊര്‍ജിതമായ ബോധവത്ക്കരണ പരിപാടികളും ജില്ലയില്‍ നടപ്പാക്കും.
ഇതു സംബന്ധിച്ച് ചേര്‍ന്ന അവലോകന യോഗത്തില്‍ എക്‌സൈസ്, പോലീസ്, വാണിജ്യനികുതി, വിദ്യാഭ്യാസ വകുപ്പ് അധികൃതര്‍ പങ്കെടുത്തു.
Latest
ആദ്യഘട്ടം തെരഞ്ഞെടുപ്പിനിടെ സ്ഫോടനം; കേന്ദ്രസേന ഉദ്യോഗസ്ഥന് വീരമൃത്യു
പ്രിയങ്ക ഗാന്ധി ഇന്ന് കേരളത്തില്; നാല് പരിപാടികളില് പങ്കെടുക്കും
രാഹുല് ഗാന്ധിയുടെ പരിപാടിയില് ലീഗ് കൊടി ഉയര്ത്തി; വണ്ടൂരില് സംഘര്ഷം
കോട്ട തിരിച്ചുപിടിക്കാൻ യാദവ കുടുംബം ഒറ്റക്കെട്ട്
റെഡ്ഢിമാരും റാവുമാരും ഉഴുതുമറിച്ച തെലുങ്ക് മണ്ണ്
ആറ്റിങ്ങല്: ത്രികോണ തരംഗം
