Gulf
ഫഹീം, മാറക്കാന സ്റ്റേഡിയത്തിലിറങ്ങും, ഫ്രഞ്ച് ടീമിന്റെ കൈപിടിച്ച്...
ദുബൈ: ബ്രസീലിലെ മാറക്കാനാ ഗ്രൗണ്ടിലേക്ക് ലോകകപ്പു കളിക്കുന്ന ഫ്രഞ്ച് ടീമിനൊപ്പമിറങ്ങാന്‍ മലയാളി ബാലനും. ദുബൈയിലെ മലയാളി വിദ്യാര്‍ഥിയായ എട്ടുവയസുകാരന്‍ ഫഹിം ഫൈസലിനാണ് ഫ്രാന്‍സിനൊപ്പം ഗ്രൗണ്ടിലിറങ്ങാന്‍ ഭാഗ്യം കിട്ടിയത്. ഈ മാസം 25ന് റിയോ ഡിജനീറോയില്‍ ഫ്രാന്‍സ്-ഇക്വഡോര്‍ മത്സരത്തില്‍ കളിക്കാരോടൊപ്പം കൈ പിടിച്ച് ഫഹിം ഫൈസലും ഗ്രൗണ്ടിലിറങ്ങും. കടുത്ത ഫുട്‌ബോള്‍ ആരാധകനായ ഫഹിം ദുബൈ സെപ്റ്റ് സെന്ററില്‍ ഫുട്‌ബോള്‍ പരിശീലിക്കുന്നുണ്ട്. ജെംസ് വിഞ്ചെസ്റ്റര്‍ സ്‌കൂളിലെ നാലാം ക്ലാസ് വിദ്യാര്‍ഥിയാണ്. മക്‌ഡൊണാള്‍ഡ്‌സ് അറേബ്യ നടത്തിയ മത്സരത്തിലൂടെയാണ് ബ്രസീലില്‍ പോകാന്‍ അവസരമൊരുങ്ങിയത്. യു എ ഇയില്‍ നിന്നു നാലു വിദ്യാര്‍ഥികളെയാണ് മക്‌ഡൊണാള്‍ഡ് തിരഞ്ഞെടുത്തത്.
ഇറങ്ങുന്നതു ഫ്രാന്‍സിനൊപ്പമാണെങ്കിലും ക്രിസ്റ്റ്യാനോ റൊണാള്‍ഡോയുടെ പോര്‍ച്ചുഗലാണ് ഫഹിമിന്റെ ടീം. തൃശൂര്‍ വടക്കാഞ്ചേരി സ്വദേശി ഫൈസലിന്റെ മകനാണ് ഫഹിം.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
