Connect with us

Kozhikode

എസ് എം എ പത്താം വാര്‍ഷിക സമ്മേളനം ശനിയാഴ്ച തുടങ്ങും

Published

|

Last Updated

കോഴിക്കോട്: മഹല്ല് നന്മയിലേക്ക് എന്ന പ്രമേയത്തില്‍ സുന്നി മാനേജ്‌മെന്റ് അസോസിയേഷന്‍ (എസ് എം എ) പത്താം വാര്‍ഷിക സമ്മേളനം ശനി, ഞായര്‍ ദിവസങ്ങളില്‍ തൃശൂര്‍ പി പി ഉസ്താദ് നഗറില്‍ (ശക്തന്‍ തമ്പുരാന്‍ ഗ്രൗണ്ട്) നടക്കും. മഹല്ല് ജമാഅത്തുകള്‍ക്കും മദ്‌റസകള്‍ക്കും മറ്റു സ്ഥാപനങ്ങള്‍ക്കും വിദ്യാഭ്യാസം, തൊഴില്‍, സംസ്‌കരണം എന്നിവ അടിസ്ഥാനമാക്കിയുള്ള ശാക്തീകരണത്തിന് വഴിയൊരുക്കുകയാണ് സമ്മേളനത്തിന്റെ ലക്ഷ്യം. ഇതിനാവശ്യമായ കര്‍മ പദ്ധതികളെക്കുറിച്ച്‌സമ്മേളനത്തില്‍ ചര്‍ച്ചകള്‍ നടക്കും.
ശനിയാഴ്ച വൈകീട്ട് നാല് മണിക്ക് ഉദ്ഘാടന സമ്മേളനം, ഏഴ് മണിക്ക് സ്റ്റേറ്റ് വാര്‍ഷിക കൗണ്‍സില്‍ എന്നിവ നടക്കും. കൗണ്‍സിലില്‍ വെച്ച് 2014-17 വര്‍ഷത്തേക്കുള്ള പുതിയ കമ്മിറ്റിയെ തിരഞ്ഞെടുക്കും. ഞായറാഴ്ച രാവിലെ 8.30ന് യൂനിറ്റുകളില്‍ നിന്നുള്ള സമ്മേളന പ്രതിനിധികളുടെ രജിസ്‌ട്രേഷന്‍ ആരംഭിക്കും. പ്രഭാതവചനം, സമകാലികം-ആദര്‍ശം, മുന്നേറ്റം സെഷനുകള്‍, “മഹല്ല്: അടിസ്ഥാനം വികസനം സാമ്പത്തികം”, “മഹല്ല്: നേതൃത്വം കാഴ്ചപ്പാട്” എന്നീ വിഷയങ്ങളില്‍ പ്രബന്ധാവതരണം, മൂന്ന് വര്‍ഷത്തേക്കുള്ള പദ്ധതിയവതരണം തുടങ്ങിയവ നടക്കും. വൈകീട്ട് മൂന്ന് മണിക്ക് നടക്കുന്ന സമാപന സമ്മേളനത്തില്‍ പ്രമുഖ വ്യക്തിത്വങ്ങള്‍ സംബന്ധിക്കും. മാതൃകാ മഹല്ല്-മദ്‌റസകള്‍ക്കുള്ള അവാര്‍ഡ് ദാനം, ബ്രോഷര്‍ പ്രകാശനം തുടങ്ങിയവ സമാപന സെഷനില്‍ നടക്കും.

Latest