Kozhikode
ചാത്തമംഗലത്ത് പത്ത് ലിറ്റര്‍ ചാരായവും വാറ്റ് ഉപകരണവും പിടികൂടി
മുക്കം: കല്യാണപാര്‍ട്ടികള്‍ക്കും മറ്റും ഓര്‍ഡര്‍ പ്രകാരം ചാരായമെത്തിക്കുന്ന ആളെ കുന്ദമംഗലം എക്‌സൈസ് സംഘം പിടികൂടി. ആനപ്പാറ കമ്യൂണിറ്റി ഹെല്‍ത്ത് സെന്ററിന് സമീപത്ത് ചെത്തുകടവില്‍ പൊറ്റമ്മലില്‍ താമസിക്കുന്ന ചെലവൂര്‍ മലമ്മല്‍ സത്യന്‍ (57)ആണ് പിടിയിലായത്.
ഇയാളില്‍ നിന്ന് പത്ത് ലിറ്റര്‍ ചാരായവും ചാരായം കടത്താന്‍ ശ്രമിച്ച മാരുതി എസ്റ്റീം കാറും എക്‌സൈസ് സംഘം കസ്റ്റഡിയിലെടുത്തു.
വിവാഹ പാര്‍ട്ടികള്‍ക്കും മറ്റ് ആവശ്യക്കാര്‍ക്കും സ്ഥിരമായി ചാരായമെത്തിക്കുന്ന ആളാണ് പിടിയിലായ സത്യനെന്ന് എക്‌സൈസ് ഇന്‍സ്‌പെക്ടര്‍ മുരളീധരന്‍ പറഞ്ഞു. ഇയാളുടെ വീട്ടില്‍ നടത്തിയ റെയ്ഡില്‍ വാറ്റ് ഉപകരണങ്ങളും പിടികൂടി. റെയ്ഡിന് പ്രിവന്റീവ് ഓഫീസര്‍ പ്രതീഷ് ചന്ദ്രന്‍, പ്രകാശന്‍, സിവില്‍ എക്‌സൈസ് ഓഫീസര്‍ സന്ദീപ്, സുജീഷ്, നിഷാന്ത്, മില്‍ട്ടന്‍, ഡ്രൈവര്‍ ശ്രീധരന്‍ എന്നിവര്‍ നേതൃത്വം നല്‍കി. പ്രതിയെ കുന്ദമംഗലം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി.
Latest
അഹമ്മദാബാദ് വിമാന ദുരന്തത്തിനു കാരണം ഇന്ധന നിയന്ത്രണ സ്വിച്ച് ഓഫ് ആയതെന്ന് പ്രാഥമിക അന്വേഷണ റിപ്പോര്‍ട്ട്
പാര്‍ട്ടിക്കുമേലെ വളരാന്‍ ശ്രമിക്കുന്ന വി ടി ബല്‍റാമിനെ പിടിച്ചു പുറത്താക്കണമെന്ന് ആവശ്യം
മഴ നനയാതിരിക്കാന്‍ ടിപ്പര്‍ ലോറിക്കു സമീപം നിന്ന യുവാവ് അപകടത്തില്‍ മരിച്ചു
ഓണ്‍ലൈന്‍ വഴി മയക്കുമരുന്നു വില്‍പ്പന നടത്തുന്ന യുവാവും യുവതിയും പിടിയില്‍
ബി ജെ പി ഭാരവാഹി പട്ടിക: പുതുതായി ചേക്കേറിയവര്‍ താക്കോല്‍ സ്ഥാനങ്ങളില്‍; പരമ്പരാഗത സംഘപരിവാറുകാര്‍ക്ക് അതൃപ്തി
കരാറിലെ അനിശ്ചിതാവസ്ഥ; ഐ എസ് എല്‍ 2025-26 സീസണ്‍ നീട്ടിവച്ചു
