Kasargod
കെ എസ് ആര്‍ ടി സി ബസ് ഓട്ടം നിര്‍ത്തി; സബ്ഡിപ്പോ നാട്ടുകാര്‍ ഉപരോധിച്ചു
കാഞ്ഞങ്ങാട്: മലയോരമേഖലയിലേക്ക് ഇരുപത് വര്‍ഷത്തോളമായി സര്‍വീസ് നടത്തിവരികയായിരുന്ന കെ എസ് ആര്‍ ടിസി ഓട്ടംനിര്‍ത്തി. ഇതില്‍ പ്രതിഷേധിച്ച് ഇന്നലെ രാവിലെ ആക്ഷന്‍ കമ്മിറ്റിയുടെ നേതൃത്വത്തില്‍ മലയോര ജനത കാഞ്ഞങ്ങാട് കെ എസ് ആര്‍ ടി സി സബ് ഡിപ്പോയിലെ അസി. ട്രാന്‍സ്‌പോര്‍ട്ട് ഓഫീസറെ ഉപരോധിച്ചു.
കാഞ്ഞങ്ങാട്ട് നിന്ന് ഒടയംചാല്‍, പരപ്പ, വെള്ളരിക്കുണ്ട്, ചെറുപുഴ വഴി ചിറ്റാരിക്കാലിലേക്ക് ഇരുപത് വര്‍ഷക്കാലമായി സര്‍വീസ് നടത്തിവരികയായിരുന്ന കെ എസ് ആര്‍ ടി സി ബസാണ് പൊട്ടെന്ന് ഓട്ടം നിര്‍ത്തിയത്.
കാഞ്ഞങ്ങാട്ട് നിന്നും വൈകുന്നേരം 6.45നാണ് ഈ ബസ് പുറപ്പെട്ടിരുന്നത്. ഈ റൂട്ടിലൂടെയുള്ള അവസാനത്തെ ബസ് കൂടിയാണ് സര്‍വീസ് അവസാനിപ്പിച്ചത്. ഇതുമൂലം മലയോര പ്രദേശങ്ങളിലെ യാത്രക്കാര്‍ രാത്രി കാലങ്ങളില്‍ വാഹനം കിട്ടാതെ വലയുകയാണ്. രാത്രി സര്‍വീസ് നിര്‍ത്തിയ കെ എസ് ആര്‍ ടി സി ബസ് ഇപ്പോള്‍ രാവിലെ 5 മണിക്ക് മലയോരത്തേക്ക് കാഞ്ഞങ്ങാട്ടുനിന്നും സര്‍വീസ് നടത്തുന്നു. അതേസമയം രാത്രിയില്‍ ഈ റൂട്ടില്‍ ഒരു ബസും സര്‍വീസ് നടത്തുന്നില്ല. ഈ സാഹചര്യത്തിലാണ് ആക്ഷന്‍ കമ്മിറ്റി പ്രതിഷേധവുമായി രംഗത്തുവന്നത്. ട്രാന്‍സ്‌പോര്‍ട്ട് ഓഫീസറെ ഉപരോധിച്ച സമരപരിപാടിക്ക് ജില്ലാ പഞ്ചായത്ത് വൈസ് പ്രസിഡന്റ് കെ എസ് കുര്യാക്കോസ്, ആക്ഷന്‍കമ്മിറ്റി ചെയര്‍മാന്‍ സാബുഎബ്രഹാം, മുന്‍ എം എല്‍ എ. എം കുമാരന്‍, ബ്ലോക്ക് പഞ്ചായത്ത് പ്രസിഡന്റ് കെ പി സഹദേവന്‍, സി പി ബാബു, ടി സി രാമചന്ദ്രന്‍, എ സി ജോസ്, ജനാര്‍ദ്ദനന്‍, എം വി രാജു നേതൃത്വം നല്‍കി.
Latest
മകള്‍ രാത്രി പുറത്തുപോകുന്നതിനെ ചോദ്യം ചെയ്തു; മകളുടെ കൊലപാതകത്തില്‍ വെളിപ്പെടുത്തലുമായി അച്ഛന്‍
പ്രായപൂര്‍ത്തിയാവാത്ത അന്തേവാസി ഗര്‍ഭിണിയായി; സ്വകാര്യ അനാഥാലയത്തില്‍ നിന്ന് 24 കുട്ടികളെ മാറ്റിപ്പാര്‍പ്പിച്ചു
കേരളത്തില്‍ ഇന്നും ശക്തമായ മഴ; കോഴിക്കോട്, വായനാട്, കണ്ണൂര്‍, കാസര്‍ഗോഡ് ജില്ലകളില്‍ യെല്ലോ അലര്‍ട്ട്
വി എസ് അച്യുതാനന്ദന്റെ ആരോഗ്യനില അതീവ ഗുരുതരമായി തുടരുന്നു
ശസ്ത്രക്രിയ മുടക്കം; ഡോ. ഹാരിസ് ചിറക്കലിന്റെ തുറന്നുപറച്ചിലിലെ എല്ലാ കാര്യങ്ങളും ശരിയല്ലെന്നു വിദഗ്ധ സമിതി റിപ്പോര്‍ട്ട്
റഷ്യക്കെതിരായ അമേരിക്കന്‍ ഉപരോധം; ഇന്ത്യക്കും ചൈനക്കും 500 ശതമാനം അധിക നികുതി ചുമത്താന്‍ ട്രംപിന്റെ നീക്കം
