Palakkad
ശിരോവസ്ത്ര നിരോധം നീക്കി
പാലക്കാട്: കണ്ണാടി തണ്ണീര്‍പന്തല്‍ വാസവി വിദ്യാലയ സി ബി എസ് ഇ സ്‌കൂളിലെ പെണ്‍കുട്ടികളുടെ ശിരോവസ്ത്ര നിരോധനം നീക്കി. ഇന്നലെ പ്രിന്‍സിപ്പല്‍ രക്ഷിതാക്കളുടെ പ്രതിനിധികളുമായി നടത്തിയ ചര്‍ച്ചയിലാണ് ശിരോവസ്ത്രം അണിയാന്‍ അനുവദിക്കാമെന്ന്് പ്രിന്‍സിപ്പല്‍ ഉറപ്പുനല്‍കിയത്. സ്‌കൂള്‍ തുടങ്ങി അഞ്ചുവര്‍ഷമായിട്ടും ഇതുവരെയും മുസ്്‌ലിം പെണ്‍കുട്ടികള്‍ ശിരോവസ്ത്രം ധരിക്കുന്നതിന് സ്‌കൂള്‍ അധ്യാപകര്‍ വിലക്കിയിരുന്നു. ഇതില്‍ പ്രതിഷേധിച്ച് രക്ഷിതാക്കള്‍ പലതവണ പ്രിന്‍സിപ്പാളിനെ സമീപിച്ചെങ്കിലും ക്ലാസില്‍ ശിരോവസ്ത്രം അനുവദിക്കില്ലെന്നായിരുന്നു മാനേജ്‌മെന്റിന്റെ നിലപാട്.
കഴിഞ്ഞവര്‍ഷത്തെ മനുഷ്യാവകാശ കമ്മീഷന്‍ ഉത്തരവിന്റെ പശ്ചാത്തലത്തില്‍ കൂടിയാണ് രക്ഷിതാക്കളുടെയും വിദ്യാര്‍ഥികളുടെയും ആവശ്യത്തിന് സ്‌കൂള്‍ അധികൃതര്‍ വഴങ്ങിയത്. ഇന്നലെ നടന്ന ചര്‍ച്ചയില്‍ രക്ഷിതാക്കള്‍ക്ക് വേണ്ടി എന്‍ ദാവൂദ്, ഐ ബശീര്‍, മുത്തലിഫ്, കെ പി ജലീല്‍, താജുദ്ദീന്‍ കണ്ണാടി തുടങ്ങിയവര്‍ പങ്കെടുത്തു.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
