National
സര്ക്കാര് സേവനങ്ങള്ക്ക് ആധാര് നിര്ബന്ധമല്ല: സുപ്രീം കോടതി
ന്യൂഡല്ഹി: സര്ക്കാര് സേവനങ്ങള് ലഭിക്കാന് ആധാര് കാര്ഡ് നിര്ബന്ധമല്ലെന്ന് സുപ്രീംകോടതി വീണ്ടും. ഇതുസംബന്ധിച്ച് നേരത്തെ പുറപ്പെടുവിച്ച ഉത്തരവ് ഭേദഗതി ചെയ്ത് ഇടക്കാല ഉത്തരവ് പുറപ്പെടുവിക്കണമെന്ന് ആവശ്യപ്പെട്ട് കേന്ദ്ര സര്ക്കാര് സമര്പ്പിച്ച ഹരജി കോടതി തള്ളി.
സര്ക്കാര് സേവനങ്ങള്ക്ക് ആധാര് കാര്ഡ് നിര്ബന്ധമല്ലെന്ന വിധിയില് വ്യക്തത വരുത്തണമെന്ന് ആവശ്യപ്പെട്ടാണ് കേന്ദ്രം സുപ്രീംകോടതിയെ സമീപിച്ചത്. പാചകവാതക സബ്സിഡി ജനങ്ങള്ക്ക് നേരിട്ട് നല്കുന്നതിന് ആധാര് നിര്ബന്ധമാക്കണമെന്ന് പൊതുമേഖല എണ്ണക്കമ്പനികളും ആവശ്യപ്പെട്ടിരുന്നു.
അതിനിടെ, ആധാറിന് നിയമസാധിത നല്കുന്ന ബില്ലിന് കേന്ദ്രമന്ത്രിസഭ അംഗീകാരം നല്കി. ബില്ല് പാര്ലമെന്റിന്റെ ശൈത്യകാല സമ്മേളനത്തില് അവതരിപ്പിക്കും.
---- facebook comment plugin here -----