Ongoing News
എന്‍. ശ്രീനിവാസന്‍ വീണ്ടും ബി സി സി ഐ പ്രസിഡന്റ്
ചെന്നൈ: ബി സി സി ഐ പ്രസിഡന്റായി എന്‍ ശ്രീനിവാസന്‍ വീണ്ടും തെരഞ്ഞെടുക്കപ്പെട്ടു. ചെന്നൈയില്‍ നടന്ന ബി സി സി ഐയുടെ വാര്‍ഷിക പൊതുയോഗത്തില്‍ എതിരില്ലാതെയാണ് ശ്രീനിവാസന്‍ തെരഞ്ഞെടുക്കപ്പെട്ടത്. തെരഞ്ഞെടുക്കപ്പെട്ടെങ്കിലും സുപ്രീംകോടതിയുടെ വിലക്കുള്ളതിനാല്‍ അദ്ദേഹത്തിന് ചുമതലയേല്‍ക്കാനാകില്ല.
ഐ പി എല്‍ വാതുവയ്പ് ആരോപണത്തില്‍ മരുമകന്‍ ഗുരുനാഥ് മെയ്യപ്പന് കുറ്റാരോപിതനായ പശ്ചാത്തലത്തില്‍ അന്തിമ കോടതി വിധിയുണ്ടാകുംവരെ ശ്രീനിവാസനു പ്രസിഡന്റിന്റെ ചുമതല നിര്‍വഹിക്കാനാകില്ലെന്നാണ് സുപ്രീംകോടതി വിധി. ശ്രീനിവാസനെ ബി സി സി ഐയുടെ ഭാരവാഹിയായി മത്സരിക്കുന്നതില്‍ നിന്ന് വിലക്കണമെന്ന് ആവശ്യപ്പെട്ട് ബീഹാര്‍ ക്രിക്കറ്റ് അസോസിയേഷന്‍ നല്‍കിയ ഹര്‍ജിയിലായിരുന്നു കോടതിയുടെ വിധി. ഒത്തുകളി വിവാദമുയര്‍ന്നതോടെ ബി സി സി ഐ പ്രസിഡന്റുസ്ഥാനത്തുനിന്ന് മാറിനില്‍ക്കാന്‍ അദ്ദേഹം നിര്‍ബന്ധിതനാകുകയായിരുന്നു. ഇതിനിടെ മെയ്യപ്പന് ക്ലീന്‍ ചിറ്റ് നല്‍കിയ ബി സി സി ഐ സമിതി റിപ്പോര്‍ട്ടിന്റെ ചുവടുപിടിച്ച് തിരികെ എത്താന്‍ നോക്കിയെങ്കിലും ഇതും വിഫലമായിരുന്നു.
Latest
ജനറൽ ആശുപത്രി മഞ്ചേരിയിൽ നിലനിർത്തണം: കേരള മുസ്ലിം ജമാഅത്ത്
ഇനി കേരളത്തില്‍ പരാജയപ്പെട്ടാല്‍ കോണ്‍ഗ്രസ്സിന്റെ മരണം: ദീപാ ദാസ് മുന്‍ഷി
ഡല്‍ഹിയില്‍ നാലുനില കെട്ടിടം തകര്‍ന്നുവീണു; നിരവധി ആളുകള്‍ കുടുങ്ങിക്കിടക്കുന്നതായി റിപ്പോര്‍ട്ട്
സിന്തറ്റിക് മയക്കുമരുന്ന് കേസ്: ഇന്ത്യക്കാരനെ യു എ ഇ നാടുകടത്തി
കീം റാങ്ക് ലിസ്റ്റ്: ഒരു കോടതിക്കും റദ്ദ് ചെയ്യാനാവാത്ത വിധം അടുത്ത വര്‍ഷം മാനദണ്ഡം മാറ്റുമെന്ന് മന്ത്രി ആര്‍ ബിന്ദു
സ്‌കൂള്‍ സമയമാറ്റം; ചര്‍ച്ചക്കു തയ്യാറാണെന്നു വിദ്യാഭ്യാസ മന്ത്രി
