Kozhikode
കുന്ദമംഗലത്ത് ഡിവൈഡറുകള്‍ വാഹനമിടിച്ച് തകരുന്നു
കുന്ദമംഗലം: ഗതാഗത പരിഷ്‌കരണങ്ങളുടെ ഭാഗമായി കുന്ദമംഗലം ടൗണില്‍ ദേശീയപാതയില്‍ സ്ഥാപിച്ച ഡിവൈഡറുകള്‍ വാഹനങ്ങളിടിച്ച് തകരുന്നത് പതിവായി. യു പി സ്‌കൂള്‍ പരിസരം, ഹയര്‍ സെക്കന്‍ഡറി സ്‌കൂള്‍ കവാട ബസ് സ്റ്റാന്‍ഡ് പരിസരം എന്നിവിടങ്ങളില്‍ സ്ഥാപിച്ച ബോര്‍ഡുകള്‍ പൂര്‍ണമായും അപത്യക്ഷമായി. അങ്ങാടിയുടെ ഹൃദയഭാഗത്ത് ഏതാനും ബോര്‍ഡ് മാത്രമാണ് ഇപ്പോള്‍ അവശേഷിക്കുന്നത്.
വാഹനങ്ങള്‍ തട്ടി ഫെയിമുകളും മറ്റും റോഡിന്റെ നടുവിലേക്ക് തൂങ്ങിനില്‍ക്കുന്ന ഡിവൈഡര്‍ വാഹനങ്ങള്‍ക്ക് ഭീഷണിയാകുമ്പോള്‍ നാട്ടുകാര്‍ റോഡരികിലേക്ക് മാറ്റിയിടുകയാണ്. സാംസ്‌കാരിക നിലയത്തിലും യു പി സ്‌കൂളിന് സമീപത്തെ ഫുട്പാത്തിലും ഡിവൈഡര്‍ മാറ്റിയിട്ട നിലയിലാണ്. മാറ്റിവെക്കുന്ന ബോര്‍ഡുകളിലെ ഇരുമ്പ് ഷീറ്റുകള്‍ മോഷ്ടിച്ച് കൊണ്ടുപോകുന്നതായും പരാതിയുണ്ട്.
സ്വകാര്യ കമ്പനികളുടെ പരസ്യങ്ങള്‍ വെച്ച് നിരവധി തവണ ഡിവൈഡര്‍ സ്ഥാപിച്ചെങ്കിലും ഇതിനെല്ലാം ആയുസ്സ് വളരെ കുറവായിരുന്നു. സിഗ്നലുകള്‍ ഇല്ലാത്തതും ദൂരെ നിന്ന് ഡ്രൈവര്‍മാര്‍ക്ക് ബോര്‍ഡ് കാണാത്തതുമാണ് വാഹനങ്ങള്‍ ഇടിച്ച് തകരാന്‍ കാരണമാകുന്നതെന്നാണ് വാഹന ഉടമകളുടെ പരാതി. സ്ഥിരം ഡിവൈഡര്‍ സ്ഥാപിച്ചാല്‍ അങ്ങാടിയിലെ ഗതാഗത ക്കുരുക്കും തിരക്കും ഒഴിവാക്കാനാകുമെന്നും കാല്‍നടക്കാര്‍ക്ക് എളുപ്പത്തില്‍ റോഡ് മുറിച്ചുകടക്കാന്‍ കഴിയുമെന്നും നാട്ടുകാര്‍ പറയുന്നു.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
