National
ബീഹാറില്‍ ബി ജെ പി നേതാവ് ജെ ഡി യുവില്‍ ചേര്‍ന്നു
പാറ്റ്‌ന: ബീഹാറില്‍ ബി ജെ പി നേതാവ് രാംജി ദാസ് ഋഷിദേവ് ഭരണകക്ഷിയായ ജെ ഡി യുവില്‍ ചേര്‍ന്നു. മുന്‍ മന്ത്രിയായ ഇദ്ദേഹംതന്റെ അനുയായികള്‍ക്കൊപ്പം അന്നെമാര്‍ഗ് വസതിയിലെത്തി മുഖ്യമന്ത്രി നിതീഷ് കുമാറിന്റെ സാന്നിധ്യത്തിലാണ് ജെ ഡി യുവില്‍ ചേര്‍ന്നത്.
നിതീഷ് കുമാറിന്റെ നേതൃത്വത്തില്‍ ജെ ഡി യു- ബി ജെ പി സഖ്യം ബീഹാറില്‍ അധികാരത്തിലെത്തിയപ്പോള്‍ മന്ത്രിസഭയില്‍ രാംജിദാസ് ഉണ്ടായിരുന്നു. എന്നാല്‍ കഴിഞ്ഞ നിയമസഭാ തിരഞ്ഞെടുപ്പില്‍ ബി ജെ പി ഇദ്ദേഹത്തിന് ടിക്കറ്റ് നിഷേധിച്ചിരുന്നു. ജെ ഡി യു പ്രസിഡന്റ് ബാഷിസ്റ്റ് നാരായണ്‍ സിംഗ്, മഹാ ദളിത് കമ്മീഷന്‍ ചെയര്‍മാന്‍ ഉദയ് കുമാര്‍ മാഞ്ചി, പാര്‍ട്ടി എം പി. ആര്‍ സി പി സിംഗ് തുടങ്ങിയവരും ചടങ്ങില്‍ പങ്കെടുത്തു.
ഗുജറാത്ത് മുഖ്യമന്ത്രി നരേന്ദ്ര മോഡിയെ വരാന്‍ പോകുന്ന പൊതുതിരഞ്ഞെടുപ്പില്‍ ബി ജെ പിയുടെ മുഖ്യ തിരഞ്ഞെടുപ്പ് പ്രചാരകനായി തിരഞ്ഞെടുത്തിനെ ചോദ്യം ചെയ്താണ് മൂന്നാഴ്ച മുമ്പ് എന്‍ ഡി എയില്‍ നിന്ന് ജെ ഡി യു പുറത്തുപോയത്. കഴിഞ്ഞ 17 വര്‍ഷമായി ബി ജെ പിയും ജെ ഡി യും സഖ്യത്തിലായിരുന്നു.
Latest
ആമസോൺ തടത്തിലെ പാരിസ്ഥിതിക കുറ്റകൃത്യം: 94 പേരെ യു എ ഇ അറസ്റ്റ് ചെയ്തു
ലോഡുമായി പോകുന്നതിനിടെ ലോറിയുടെ ബ്രേക്ക് നഷ്ടപ്പെട്ടു; രക്ഷപ്പെടാന്‍ പുറത്തേക്ക് ചാടിയ ഡ്രൈവര്‍ അതേ ലോറി കയറി മരിച്ചു
ജപ്തി ഭീഷണിയെ തുടര്‍ന്ന് ഗൃഹനാഥന്‍ ജീവനൊടുക്കിയ സംഭവം; 15 ദിവസം സാവകാശം ചോദിച്ചിട്ടും ബേങ്ക് നല്‍കിയില്ലെന്ന് മധുവിന്റെ സഹോദരന്‍
കീം പരീക്ഷ ഫലം ഹൈക്കോടതി റദ്ദാക്കി
ഗുജറാത്തില്‍ പാലം തകര്‍ന്ന് വീണ് മൂന്ന് മരണം; നാല് വാഹനങ്ങള്‍ മഹിസാഗര്‍ നദിയിലേയ്ക്ക് വീണു
അയ്യമ്പുഴയിലെ ഏഴാം ക്ലാസ് വിദ്യാര്‍ഥിനിയുടെ മരണം പേവിഷബാധയല്ലെന്ന് റിപ്പോര്‍ട്ട്
