Eranakulam
ഡി ജെ പാര്‍ട്ടിക്കിടെ ബാറില്‍ സംഘര്‍ഷം: അക്രമം നടത്തിയ യുവതിയെ സ്റ്റേഷന്‍ ജാമ്യത്തില്‍ വിട്ടു
കൊച്ചി ഉദയംപേരൂര്‍ സ്വദേശിനിയെയെയാണ് പോലീസ് കസ്റ്റഡിയിലെടുത്തത്. അപമര്യാദയായി പെരുമാറിയതിനാലാണ് ആക്രമണം നടത്തിയതെന്ന് യുവതിയുടെ മൊഴി.
കൊച്ചി | എറണാകുളത്ത് ബാറില്‍ ഡി ജെ പാര്‍ട്ടിക്കിടെയുണ്ടായ സംഘര്‍ഷത്തില്‍ പോലീസ് കസ്റ്റഡിയിലെടുത്തത് കൊച്ചി ഉദയംപേരൂര്‍ സ്വദേശിനിയെ. യുവാവിനെ ബിയര്‍ കുപ്പി കൊണ്ട് ചെവിക്കു പിന്നില്‍ ആക്രമിച്ച യുവതിയെ ഇന്നലെ പോലീസ് കസ്റ്റഡിയിലെടുത്തിരുന്നു. ഇവരെ ഇന്ന് പുലര്‍ച്ചെ സ്റ്റേഷന്‍ ജാമ്യത്തില്‍ വിട്ടു. തൊടുപുഴ സ്വദേശിയായ യുവാവിനേറ്റ പരുക്ക് സാരമുള്ളതല്ലെന്ന് പോലീസ് അറിയിച്ചു.
അപമര്യാദയായി പെരുമാറിയതിനാലാണ് ആക്രമണം നടത്തിയതെന്ന് യുവതി പോലീസിന് മൊഴി നല്‍കി. ഇന്നലെ രാത്രി പത്തോടെ എടശേരി ബാറിലാണ് സംഭവമുണ്ടായത്. പരുക്കേറ്റ യുവാവിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഘര്‍ഷത്തിനു പിന്നാലെ പോലീസ് സ്ഥലത്തെത്തി ഡി ജെ പാര്‍ട്ടി നിര്‍ത്തിവെപ്പിച്ചു.
യുവ സിനിമാ താരവും മുതിര്‍ന്ന പിന്നണി ഗായകനും പങ്കെടുത്ത ഡി ജെ പാര്‍ട്ടിക്കിടെയായിരുന്നു അക്രമം. സംഭവത്തില്‍ കേസെടുക്കുമെന്ന് പോലീസ് അറിയിച്ചു.
Latest
മുല്ലപെരിയാര്‍ അണക്കെട്ട്: ഷട്ടറുകള്‍ തുറക്കുക ഇന്ന് ഉച്ചക്ക് 12ന്
കൊല്‍ക്കത്തയില്‍ നിയമ വിദ്യാര്‍ഥിനി ഇരയായത് ക്രൂര പീഡനത്തിന്; സ്ഥിരീകരിച്ച് സിസിടിവി, മൊബൈല്‍ ദൃശ്യങ്ങള്‍
250-ാം നാള്‍ ആഘോഷം: ഇന്ന് കോട്ടക്കല്‍ നെസ്‌റ്റോയില്‍ ഓഫറുകളുടെ പെരുമഴ
തൃശൂര്‍ നല്ലെങ്കരയിലെ ഗുണ്ടാ ആക്രമണം: മക്കള്‍ ഗുണ്ടകളുമായി ചേര്‍ന്ന് ആക്രമിച്ചുവെന്ന് മാതാവിന്റെ മൊഴി
ചിട്ടിനടത്തിപ്പുകാരന്‍ ഹേമചന്ദ്രന്റെ കൊലപാതകം: ശരീരത്തില്‍ ഏല്‍പ്പിച്ച ഗുരുതര പരുക്കുകള്‍ മരണകാരണം
ഡി ജെ പാര്‍ട്ടിക്കിടെ ബാറില്‍ സംഘര്‍ഷം: അക്രമം നടത്തിയ യുവതിയെ സ്റ്റേഷന്‍ ജാമ്യത്തില്‍ വിട്ടു
