Kerala
വീണ ജോര്ജിനെ ഉള്പ്പെടുത്തിയത് മന്ത്രിയായതിനാല്; പത്മകുമാറിന്റെ പ്രതികരണം ഗൗരവമായി പരിശോധിക്കും : രാജു എബ്രഹാം
മന്ത്രിമാരെ സംസ്ഥാന സമിതിയിലെ ക്ഷണിതാവാക്കുന്നത് പതിവ് കീഴ്വഴക്കമാണ്
പത്തനംതിട്ട | സംസ്ഥാന കമ്മിറ്റിയില് ഉള്പ്പെടുത്താത്തതില് അതൃപ്തി പുറത്തറിയിച്ച മുതിര്ന്ന നേതാവ് പത്മകുമാറിന്റെ വാക്കുകള് ചര്ച്ചയായിരിക്കെ പ്രതികരണവുമായി സിപിഎം പത്തനംതിട്ട ജില്ലാ സെക്രട്ടറി രാജു എബ്രഹാം. പത്മകുമാര് പത്തനംതിട്ടയില് നിന്നുള്ള പാര്ട്ടിയുടെ പ്രധാന നേതാവാണെന്നും ഏതു സാഹചര്യത്തിലാണ് അദ്ദേഹം അതൃപ്തനായതെന്ന് അറിയില്ലെന്നും രാജു എബ്രഹാം പറഞ്ഞു.
സിപിഎം സംസ്ഥാന സമിതിയില് എടുക്കാത്തതില് അതൃപ്തി പരസ്യമാക്കിയ മുതിര്ന്ന നേതാവ്പദ്മകുമാറിന്റെ നടപടി പാര്ട്ടി ഗൗരവമായി പരിശോധിക്കും. ജില്ലയിലെ പ്രിയങ്കരനായ നേതാവാണ് പദ്മകുമാര്.
മന്ത്രിമാരെ സംസ്ഥാന സമിതിയിലെ ക്ഷണിതാവാക്കുന്നത് പതിവ് കീഴ്വഴക്കമാണ്. മന്ത്രിയെന്ന നിലയില് വീണ ജോര്ജിന്റെ പ്രവര്ത്തനം വളരെ മികച്ചത്.സംഘടനാ കാര്യങ്ങളിലും സജീവമാണ്. മന്ത്രിയെന്ന നിലയിലാണ് വീണ ജോര്ജിനെ സംസ്ഥാന സമിതിയില് ക്ഷണിതായി ഉള്പ്പെടുത്തിയത്. പത്മകുമാറിന്റെ പരാമര്ശങ്ങള് സംസ്ഥാന കമ്മിറ്റിയിലോ, സംസ്ഥാന നേതാക്കളുടെ സാന്നിധ്യത്തില് ജില്ലാ കമ്മിറ്റിയോ പരിശോധിക്കുമെന്നും ഇന്നുതന്നെ പദ്മകുമാറിനെ നേരില് കാണുമെന്നും രാജു എബ്രഹാം പറഞ്ഞു.
Latest
തങ്ങളുടെ കൈകള് ശുദ്ധം, തന്ത്രിക്ക് വീഴ്ച സംഭവിച്ചിരിക്കാം; ശബരിമല സ്വര്ണ്ണക്കൊള്ളയില് എല്ലാ വിവരങ്ങളും പുറത്തുവരും:ടി പി രാമകൃഷ്ണന്
ശബരിമല സ്വര്ണ്ണക്കൊള്ള ഇരുവരും ചേര്ന്നുള്ള കൂട്ടുകച്ചവടം; തന്ത്രിക്കും മന്ത്രിക്കും പങ്കുണ്ടെന്ന് കെപിസിസി പ്രസിഡന്റ്
ഹിമാചല് പ്രദേശില് ബസ് കൊക്കയിലേക്ക് മറിഞ്ഞ് എട്ട് മരണം; നിരവധി പേര്ക്ക് പരുക്ക്
ശബരിമല സ്വര്ണ്ണക്കൊള്ള കേസ്; താന് ഒരു തെറ്റും ചെയ്തിട്ടില്ലെന്ന് തന്ത്രി
ഹൃദയാഘാതം മൂലം മലപ്പുറം സ്വദേശിനി ജിദ്ദയില് മരിച്ചു
ന്യൂനമര്ദ്ദവും ചക്രവാതച്ചുഴിയും; സംസ്ഥാനത്ത് ഇന്ന് മുതല് ചൊവ്വാഴ്ച വരെ മഴക്ക് സാധ്യത
