Kerala
ഊബറിന്റെ തൊഴിലാളി വിരുദ്ധനയം; ഓണ്ലൈന് ടാക്സി-ഗിഗ് തൊഴിലാളികള് നാളെ മുതല് അനിശ്ചിതകാല പണിമുടക്കിലേക്ക്
മൂന്ന് ദിവസം ഊബര് ആപ്പ് പൂര്ണ്ണമായും ഓഫ്ലൈന് ആക്കുമെന്നും യാത്രാക്ലേശം ഒഴിവാക്കാന് 'കേരള സവാരി' വഴി സര്വീസ് നടത്തുമെന്നും തൊഴിലാളികള്
തിരുവനന്തപുരം| സംസ്ഥാനത്ത് നാളെ മുതല് ഓണ്ലൈന് ടാക്സി-ഗിഗ് തൊഴിലാളികള് അനിശ്ചിതകാല പണിമുടക്കിലേക്ക്. ഫെബ്രുവരി 17 മുതല് 19 വരെ സംസ്ഥാനവ്യാപകമായി ഊബര് ആപ്പ് ബഹിഷ്കരിക്കാനാണ് തീരുമാനം. ഊബറിന്റെ തൊഴിലാളി വിരുദ്ധ നയങ്ങള്ക്കെതിരെയാണ് സംയുക്ത സമിതിയുടെ നേതൃത്വത്തില് മൂന്ന് ദിവസത്തെ ആപ്പ് ബഹിഷ്കരണം പ്രഖ്യാപിച്ചിരിക്കുന്നത്. ഊബര് ഡ്രൈവര്മാര്ക്ക് പുറമെ സൊമാറ്റോ, സ്വിഗ്ഗി തൊഴിലാളികളും പണിമുടക്കിന്റെ ഭാഗമാകും.
മിനിമം ടാക്സി നിരക്ക് പ്ലാറ്റ്ഫോമില് നടപ്പിലാക്കണമെന്നും തൊഴിലാളികള് ആവശ്യപ്പെട്ടു. പ്രതിദിന സബ്സ്ക്രിപ്ഷന് തുക (165) കുറയ്ക്കണം, അക്കൗണ്ടുകള് ഏകപക്ഷീയമായി ബ്ലോക്ക് ചെയ്യുന്നത് അവസാനിപ്പിക്കണം എന്നീ ആവശ്യങ്ങളും തൊഴിലാളികള് മുന്നോട്ട് വയ്ക്കുന്നു. പ്രതിഷേധത്തിന്റെ ഭാഗമായി നാളെ രാവിലെ 10 മണിക്ക് പാളയത്ത് നിന്ന് സെക്രട്ടേറിയറ്റിലേക്ക് പ്രതിഷേധ മാര്ച്ച് നടത്തും. സംഗമം പി സി വിഷ്ണുനാഥ് എംഎല്എ ഉദ്ഘാടനം ചെയ്യും. മൂന്ന് ദിവസം ഊബര് ആപ്പ് പൂര്ണ്ണമായും ഓഫ്ലൈന് ആക്കും. യാത്രാക്ലേശം ഒഴിവാക്കാന് ‘കേരള സവാരി’ വഴി സര്വീസ് നടത്തുമെന്നും തൊഴിലാളികള് അറിയിച്ചു.
Latest
കളമശ്ശേരി എടയാര് വ്യവസായ മേഖലയില് വന് തീപിടിത്തം; ഒരു മരണം
യു പ്രതിഭയ്ക്ക് എതിരെ അധിക്ഷേപം; നടപടിയെടുക്കാന് മുഖ്യ തിരഞ്ഞെടുപ്പ് ഓഫീസര് ആലപ്പുഴ ജില്ലാ കലക്ടര്ക്ക് നിര്ദ്ദേശം നല്കി
വന്ദേ ഭാരത് എക്സ്പ്രസില് യാത്രക്കാരന് നല്കിയ ഭക്ഷണത്തില് ജീവനുള്ള പുഴുക്കള്
ആന്ധ്രാപ്രദേശില് ബസും ടിപ്പറും കൂട്ടിയിടിച്ച് പത്ത് പേര് മരിച്ചു; 20 പേര്ക്ക് പരിക്ക്
എസ് എസ് എല് സി പരീക്ഷ കഴിഞ്ഞ് കനാലില് കുളിക്കാനിറങ്ങിയ വിദ്യാര്ഥി മുങ്ങി മരിച്ചു
ശബരിമല കൊടിമര പുനഃപ്രതിഷ്ഠ; അന്വേഷണ റിപ്പോര്ട്ട് ഇന്ന് വിജിലന്സ് ഹൈക്കോടതിയില് സമര്പ്പിക്കും
