National
തമിഴ്നാട്ടില് പബ്ബിന്റെ മേല്ക്കൂര തകര്ന്ന് മൂന്ന് മരണം
രാത്രി 8 എട്ടോടെയാണ് അപകടമുണ്ടായത്.
ചെന്നൈ | തമിഴ്നാട്ടിലെ ആള്വാര്പേട്ടില് പബ്ബിന്റെ മേല്ക്കൂര ഇടിഞ്ഞ് വീണുണ്ടായ അപകടത്തില് മൂന്നുപേര് മരിച്ചു. ഇതില് രണ്ട് പേര് പബ്ബ് ജീവനക്കാരും മണിപ്പൂര് സ്വദേശികളുമായ മാക്സ്, ലാലി എന്നിവരാണെന്ന് തിരിച്ചറിഞ്ഞിട്ടുണ്ട്. മരണപ്പെട്ട മൂന്നാമത്തെയാളെ തിരിച്ചറിഞ്ഞിട്ടില്ല. രാത്രി 8 എട്ടോടെയാണ് അപകടമുണ്ടായത്. ആള്വാര്പേട്ടിലെ ഷെക്മെറ്റ് പബ്ബിന്റെ മേല്ക്കൂരയാണ് ഇടിഞ്ഞുവീണത്.
അപകടത്തിന്റെ കാരണമെന്തെന്ന് ഇപ്പോഴും വ്യക്തമായിട്ടില്ല. പബ്ബിനുള്ളില് ആരും തന്നെ ഇപ്പോള് കുടുങ്ങിക്കിടപ്പില്ലെന്ന് രക്ഷാ പ്രവര്ത്തകരും ഫയര് ഫോഴ്സും അറിയിച്ചു. ഐപിഎല് നടക്കുന്നതിനാലും ഇന്ന് അവധി ദിവസമായതിനാലും ധാരാളം ആളുകള് പബ്ബിലുണ്ടായിരുന്നുവെന്നാണ് പോലീസ് പറയുന്നത്. ഇതിനിടെയാണ് മേല്ക്കൂര പൂര്ണമായും തകര്ന്ന് താഴേക്ക് വീണത്.