Kozhikode
വ്രതശുദ്ധിയുടെ ധന്യതയുമായി റമസാനിലെ ആദ്യ വെള്ളിയാഴ്ച ജാമിഉല് ഫുതൂഹിലെത്തിയത് ആയിരങ്ങള്
എസ് വൈ എസ് സംസ്ഥാന ജനറല് സെക്രട്ടറി റഹ്മത്തുല്ല സഖാഫി എളമരം ഖുതുബക്കും നിസ്കാരത്തിനും പ്രാര്ഥനക്കും നേതൃത്വം നല്കി.
റമസാനിലെ ആദ്യ വെള്ളിയാഴ്ച നോളജ് സിറ്റിയിലെ ജാമിഉല് ഫുതൂഹില് റഹ്മത്തുല്ല സഖാഫി നേതൃത്വം നല്കുന്നു
നോളജ് സിറ്റി | റമസാനിലെ ആദ്യ വെള്ളിയാഴ്ച വ്രതശുദ്ധിയുടെ ധന്യതയുമായി ആയിരക്കണക്കിന് വിശ്വാസികള് മര്കസ് നോളജ് സിറ്റിയിലെ ജാമിഉല് ഫുതൂഹിനെ പ്രാര്ഥനാനിര്ഭരമാക്കി.
ആഴ്ചയിലെ ഏറ്റവും പവിത്രമായ വെള്ളിയാഴ്ച ദിവസം നടക്കുന്ന ജുമുഅ നിസ്കാരത്തില് സംബന്ധിക്കുന്നതിനായി രാവിലെ മുതല് തന്നെ പലയിടങ്ങളില് നിന്നുള്ള വിശ്വാസികള് ജാമിഉല് ഫുതൂഹിലെത്തി.
എസ് വൈ എസ് സംസ്ഥാന ജനറല് സെക്രട്ടറി റഹ്മത്തുല്ല സഖാഫി എളമരം ഖുതുബക്കും നിസ്കാരത്തിനും പ്രാര്ഥനക്കും നേതൃത്വം നല്കി. വിശുദ്ധ ഖുര്ആന് അവതീര്ണമായ റമസാനിന്റെ രാപ്പകലുകളില് നിസ്കാരവും പ്രാര്ഥനകളും ദാനധര്മങ്ങളും വര്ധിപ്പിച്ച് പുണ്യം കരസ്ഥമാക്കണമെന്ന് അദ്ദേഹം വിശ്വാസികളെ ഉണര്ത്തി. പുണ്യ മാസത്തിന്റെ പ്രത്യേകതകള് മനസ്സിലാക്കി ആരാധനകളില് വ്യാപൃതരാകണമെന്നും ആത്മ ശുദ്ധീകരണത്തിന്റെ ദിനരാത്രങ്ങളാണ് റമസാന് എന്നും അദ്ദേഹം പറഞ്ഞു. ആത്മസംസ്കരണത്തിലൂടെ ജീവിതവിശുദ്ധി കൈവരിക്കാനും അദ്ദേഹം ഓര്മപ്പെടുത്തി.
Latest
മാറുന്നു; സ്വര്ണ സങ്കല്പ്പങ്ങള്
ലഹരി മാഫിയാ തലവനെ സൈന്യം വധിച്ചു; മെക്സിക്കോയില് കലാപം
മദ്യപസംഘത്തെ തടയാന് ശ്രമിച്ച പോലീസുകാരനെ മര്ദിച്ചു; രണ്ടുപേര് കസ്റ്റഡിയില്
റാഞ്ചിയില് എയര് ആംബുലന്സ് തകര്ന്നുവീണു; വിമാനത്തിലുണ്ടായിരുന്നത് ഏഴ് പേര്
പട്ടയം നല്കുന്നതിലെ സ്റ്റേ നീക്കി; സര്ക്കാറിന് ആശ്വാസമായി ഹൈക്കോടതി വിധി
ക്ഷേത്രോത്സവത്തിനിടെ ഒരാളെ കുത്തിപ്പരുക്കേല്പ്പിച്ച സംഭവം; നാലുപേര് പിടിയില്
